ന്യൂഡൽഹി: ലണ്ടനിലേക്ക് പുറപ്പെടുന്ന എയർഇന്ത്യ വിമാനത്തിന് ഭീകരരുടെ ഭീഷണി. 'സിഖ് ഫോർ ജസ്‌റ്റിസ് ' എന്ന സംഘടനയുടെ പേരിലാണ് ആക്രമണ ഭീഷണി. സംഭവത്തെ തുടർന്ന് ഡൽഹി ഇന്ദിരാഗാന്ധി അന്താരാഷ്‌ട്ര വിമാനത്താവളത്തിന് സുരക്ഷ വർദ്ധിപ്പിച്ചു. രണ്ട് വിമാനങ്ങൾക്കാണ് ഭീഷണി കോൾ വന്നതെന്ന് എയർപോർട്ട് അധികൃതർ അറിയിച്ചു.
ഒക്‌ടോബർ 5 ന് ഷെഡ്യൂൾ ചെയ്‌തിരിക്കുന്ന വിമാനങ്ങൾ ലണ്ടനിലെത്താൻ അനുവദിക്കില്ല എന്നായിരുന്നു ഭീഷണി സന്ദേശം. സിഖ് ഫോർ ജസ്‌റ്റിസ് എന്ന അമേരിക്ക അടിസ്ഥാനമായി പ്രവർത്തിക്കുന്ന നിരോധിത സംഘടനയിൽപെട്ടവരാണ് ഭീഷണി സന്ദേശം പുറപ്പെടുവിച്ചതെന്ന് ഒരു മുതിർന്ന ദില്ലി പൊലീസ് ഓഫീസർ അറിയിച്ചു. ഖാലിസ്ഥാൻ തീവ്രവാദ സംഘടനകളിൽ പെട്ടതാണ് ഈ സംഘടന.