തി​രുവനന്തപുരം : കഴിഞ്ഞ ദിവസം ഓൺ​ലൈനായി​ നടന്ന ദേശീയ കളരിപ്പയറ്റ് ചാമ്പ്യൻഷിപ്പിൽ കേരളത്തെ പ്രതിനിധീകരിച്ച് ഒന്നും രണ്ടും സ്ഥാനങ്ങൾ കരസ്ഥമാക്കി ഗോപികയും അഹല്യയും . നേമം ധന്വന്തരി കളരിയിലെ സംഘാംഗങ്ങളാണ് ഇരുവരും. കളരിപ്പയറ്റ് 'ചുവട്' മത്സരത്തിൽ പെൺകുട്ടികളുടെ വിഭാഗത്തിൽ സബ് ജൂനിയർ, സീനിയർ വിഭാഗങ്ങളിൽ ഒന്നും രണ്ടും സ്ഥാനങ്ങളാണ് ഇവർ കരസ്ഥമാക്കിയത്. സബ്‌ജൂനിയർ വിഭാഗത്തിൽ ഗോപിക ഗോൾഡ് മെഡൽ നേടിയപ്പോൾ സീനിയർ വിഭാഗത്തിൽ അഹല്യ വെള്ളി മെഡൽ നേടി . 200 ൽ പരം വർഷങ്ങളുടെ മഹത്തായ പാരമ്പര്യമുള്ള ധന്വന്തരി കളരി മുൻപും സംസ്ഥാന കളരിപ്പയറ്റ് ചാംപ്യൻഷിപ്പുകളിൽ നിരവധി സമ്മാനങ്ങൾ സ്വന്തമാക്കിയിട്ടുണ്ട്. പ്രശസ്ത കളരി ഗുരുക്കളും മാധ്യമ പ്രവർത്തകനും സംവിധായകനുമായ ഡോ. എസ് മഹേഷാണ് ധന്വന്തരി കളരിയുടെ നേതൃത്വം. വഹിക്കുന്നത്. ധന്വന്തരി കളരിയിലെ 'അഗസ്ത്യം' സംഘാംഗങ്ങൾ ഒരുക്കിയ ദുർഗ്ഗയുടെ 9 ഭാവങ്ങൾ കളരിപ്പയറ്റുമായി സമന്വയിപ്പിച്ചു അവതരിപ്പിച്ച 'നവദുർഗ്ഗ ചിത്രസാക്ഷാത്കാരം'ഇക്കഴിഞ്ഞ നവരാത്രി ദിനങ്ങളിൽ ഒട്ടേറെ മാധ്യമ ശ്രദ്ധ നേടിയിരുന്നു. നേരിട്ടും ഓൺലൈൻ ആയും ഭാരതത്തിനു അകത്തും പുറത്തുമുള്ള നിരവധി പേർ ധന്വന്തരി കളരിയിൽ അഭ്യസിക്കുന്നുണ്ട്.