അശ്വതി: ദാമ്പത്യജീവിതം സംതൃപ്‌തമായിരിക്കും. സഹോദരാദിഗുണം പ്രതീക്ഷിക്കാം. മാതാവിന് ആരോഗ്യപരമായ ബുദ്ധിമുട്ടുകളും അഭിപ്രായ വ്യത്യാസങ്ങളും അനുഭവപ്പെടും. സഹോദരങ്ങളുമായോ സഹോദരസ്ഥാനീയരുമായോ അഭിപ്രായ വ്യത്യാസത്തിന് സാദ്ധ്യത. വ്യാഴാഴ്ച ദിവസം അനുകൂലം.
ഭരണി: സന്താനങ്ങളാൽ ഭാഗ്യവും ധനലാഭവും ഉണ്ടാകും. ഗൃഹനിർമ്മാണത്തിന് ആഗ്രഹിക്കുന്നവർക്ക് അനുകൂല സമയം. പിതാവിൽ നിന്നും സഹായസഹകരണങ്ങൾ ലഭിക്കും. അനാവശ്യ സംസാരം ഒഴുവാക്കുക.വെള്ളിയാഴ്ച ദിവസം അനുകൂലം.
കാർത്തിക: ദാമ്പത്യജീവിതത്തിൽ മനഃസമാധാനവും സന്തോഷവും അനുഭവപ്പെടും. പ്രതീക്ഷിക്കുന്ന പലകാര്യങ്ങളിലും വിജയസാദ്ധ്യത ഉണ്ടാകും. സാമ്പത്തിക അഭിവൃദ്ധി കൈവരും. പ്രമോഷന് വേണ്ടി ശ്രമിക്കുന്ന സർക്കാർ ജീവനക്കാർക്ക് അനുകൂല സമയം. പല വിധത്തിൽ സാമ്പത്തിക നേട്ടം പ്രതീക്ഷിക്കാം. വെള്ളിയാഴ്ച ദിവസം അനുകൂലം.
രോഹിണി: സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം. കർമ്മരംഗത്ത് ഉയർച്ച അനുഭവപ്പെടും. വൃദ്ധർക്ക് പൊടുന്നനെ ആരോഗ്യഹാനി അനുഭവപ്പെടും. ഉദ്യോഗസ്ഥൻമാർക്ക് സർക്കാരിൽ നിന്നും കിട്ടേണ്ടതായ ആനുകൂല്യം ലഭിക്കാൻ തടസം നേരിടും. സന്താനങ്ങളാൽ മനഃസന്തോഷം വർദ്ധിക്കും. ബുധനാഴ്‌ച ദിവസം ഉത്തമം.
മകയീരം: സഹോദരസ്ഥാനീയരിൽ നിന്നും സഹായസഹകരണങ്ങൾ ലഭിക്കും. ഉപരിപഠനത്തിന് ശ്രമിക്കുന്നവർക്ക് തടസങ്ങൾ നേരിടും. ഇന്റർവ്യുകളിൽ പങ്കെടുക്കുന്ന ഉദ്യോഗാർത്ഥികൾക്ക് കഠിനമായി പരിശ്രമിക്കേണ്ടി വരും. സന്താനങ്ങളുടെ ഭാവിയെ കുറിച്ച് അമിതമായി ചിന്തിക്കാൻ ഇടവരും. സാമ്പത്തിക ഇടപാടിൽ സൂക്ഷിക്കുക. വെള്ളിയാഴ്ച ദിവസം അനുകൂലം.
തിരുവാതിര: അവിവാഹിതരുടെ വിവാഹകാര്യത്തിൽ തീരുമാനമുണ്ടാകും. ദൂരയാത്രകൾ ആവശ്യമായി വരും. വിദ്യാർത്ഥികൾക്ക് കലാകായിക രംഗങ്ങളിൽ താത്പര്യം വർദ്ധിക്കും. ബുദ്ധിസാമർത്ഥ്യം മുഖേന പല ആപത്തുകളിൽ നിന്നും രക്ഷപ്പെടും. ബുധനാഴ്‌ച ദിവസം അനുകൂലം.
പുണർതം: സഹോദരസ്ഥാനീയരിൽ നിന്നും സഹായസഹകരണങ്ങൾ ലഭിക്കും. പട്ടാളക്കാർക്ക് അർഹതപ്പെട്ട ആനുകൂല്യങ്ങൾ അനുവദിച്ചു കിട്ടും. അനാവശ്യ സംസാരം ഒഴിവാക്കുക. ദമ്പതികൾ തമ്മിൽ അഭിപ്രായ വ്യത്യാസത്തിനു സാദ്ധ്യത. തിങ്കളാഴ്‌ച ദിവസം അനുകൂലം.
പൂയം: ഗൃഹനിർമ്മാണത്തിനായി ധനം ചെലവഴിക്കും. പ്രമോഷനു വേണ്ടി ശ്രമിക്കുന്ന സർക്കാർ ജീവനക്കാർക്ക് അനുകൂല സമയം. ആരോഗ്യകാര്യങ്ങൾക്കായി പണം ചെലവഴിക്കും. ഭൂമിസംബന്ധമായി അഭിപ്രായവ്യത്യസം ഉണ്ടാകും. വെള്ളിയാഴ്ച ദിവസം അനുകൂലം.
ആയില്യം: ഭൂമി വാങ്ങാൻ ശ്രമിക്കുന്നവർക്ക് സമയം അനുകൂലം. പ്രശ്നങ്ങളെ ധീരതയോടെ നേരിടാൻ കഴിയും. സന്താനങ്ങളുടെ വിദ്യാഭ്യാസകാര്യങ്ങളിൽ വളരെയധികം ശ്രദ്ധിക്കുക. ആനന്ദപ്രദമായ ജീവിതം പ്രതീക്ഷിക്കാം. ബന്ധുജനങ്ങളുമായി അഭിപ്രായ വ്യത്യാസം ഉണ്ടാകും. വ്യാഴാഴ്ച ദിവസം അനുകൂലം
മകം: കർമ്മരംഗത്ത് പുരോഗതി ഉണ്ടാകും. മാതാവിൽ നിന്നും സഹായസഹകരണങ്ങൾ പ്രതീക്ഷിക്കാം. ഗൃഹത്തിൽ മംഗളകർമ്മങ്ങൾ നടക്കും. ദൈവീക കാര്യങ്ങൾക്കായി യാത്ര ചെയ്യാനിട വരും.സന്താനങ്ങളുടെ ആരോഗ്യ കാര്യങ്ങൾക്കായി പണം ചെലവഴിക്കും. തിങ്കളാഴ്‌ച ദിവസം അനുകൂലം.
പൂരം: വിവാഹാദി മംഗളകർമ്മങ്ങളിൽ പങ്കെടുക്കും. കലാപരമായി ബന്ധപ്പെട്ട് പ്രവർത്തിക്കുന്നവർക്ക് അനുകൂല സമയം. അസാധാരണ വാക്സാമർത്ഥ്യം പ്രകടമാക്കും. പൊതുപ്രവർത്തകർക്ക് ഉന്നതവ്യക്തികളുമായി സൗഹൃദം സ്ഥാപിക്കാൻ അവസരം ലഭിക്കും. ബുധനാഴ്‌ച ദിവസം അനുകൂലം.
ഉത്രം: പല വിധത്തിൽ സാമ്പത്തിക നേട്ടം ഉണ്ടാകും. ദമ്പതികൾ തമ്മിൽ അഭിപ്രായ വ്യത്യാസത്തിന് സാദ്ധ്യത. അവിവാഹിതരുടെ വിവാഹകാര്യത്തിൽ തീരുമാനം എടുക്കും. പിതാവിൽ നന്നോ പിതൃസ്ഥാനീയരിൽ നിന്നോ സഹായസഹകരണങ്ങൾ ലഭിക്കും. ബുധനാഴ്‌ച ദിവസം അനുകൂലം.
അത്തം: പിതാവിൽ നിന്നും സഹായസഹകരണങ്ങൾ ലഭിക്കും. സഹോദരസ്ഥാനീയർക്ക് രോഗാരിഷ്‌ടതകൾ ഉണ്ടാകും. സന്താനങ്ങളുടെ ഭാവി ഓർത്ത് മനസ് ഉത്കണ്‌ഠപ്പെടും. ഗൃഹത്തിൽ ബന്ധുസമാഗമം പ്രതീക്ഷിക്കാം. വിദ്യാർത്ഥികൾ പഠനകാര്യത്തിൽ അലസത പ്രകടമാക്കും. തിങ്കളാഴ്‌ച ദിവസം അനുകൂലം.
ചിത്തിര: ഏത് കാര്യത്തിന് ഇറങ്ങിയാലും പ്രതീക്ഷിക്കുന്നതിലും അധികം ധനചെലവ് നേരിടും. ദാമ്പത്യജീവിതം സംതൃപ്‌തമായിരിക്കും. ശത്രുക്കളിൽ നിന്നും ഉപദ്രവം വർദ്ധിക്കും. ബിസിനസ് മേഖലയിൽ പ്രവർത്തിക്കുന്നവർ ബുദ്ധിപരമായി പല സന്ദർഭങ്ങളും കൈകാര്യം ചെയ്യാൻ ശ്രമിക്കണം. തിങ്കളാഴ്‌ച ദിവസം അനുകൂലം.
ചോതി: മാതാവിൽ നിന്നും സഹായസഹകരണങ്ങൾ ലഭിക്കും. ഏറെനാളുകളായി കാണാതിരുന്ന ബന്ധുമിത്രാദികളെ കണ്ടുമുട്ടും. സന്താനങ്ങളുമായി അഭിപ്രായവ്യത്യാസം ഉണ്ടാകും. പിതൃ സമ്പത്ത് അനുഭവയോഗത്തിൽ വന്നു ചേരും. ഏതു കാര്യവും വിമർശനബുദ്ധിയാൽ വീക്ഷിക്കും. വെള്ളിയാഴ്ച ദിവസം അനുകൂലം.
വിശാഖം: സന്താനങ്ങൾ മുഖേന മനഃസന്തോഷം വർദ്ധിക്കും. ഗൃഹവാഹനാദി സൗഖ്യം പ്രതീക്ഷിക്കാം. ആത്മധൈര്യം കൈവിടാതെ ശ്രദ്ധിക്കണം. വിവാഹത്തിന് അനുകൂല സമയം. സന്താനലബ്‌ധിക്കായി കാത്തിരിക്കുന്ന ദമ്പതികൾക്ക് അനുകൂല സമയം. ധാരാളം യാത്രകൾ ആവശ്യമായി വരും. ഐ.ടി മേഖലയിലുള്ളവർക്ക് തൊഴിൽ സാദ്ധ്യതയുണ്ട്. ബുധനാഴ്‌ച ദിവസം അനുകൂലം.
അനിഴം: മനസിന് സന്തോഷവും സമാധാനവും ലഭിക്കും. ഗൃഹത്തിൽ മംഗളകർമ്മങ്ങൾ നടക്കും. ബന്ധുസമാഗമം പ്രതീക്ഷിക്കാം. മനസിൽ ആഗ്രഹിക്കുന്ന കാര്യങ്ങൾ ഭംഗിയായി നിറവേറും. അപ്രതീക്ഷിതമായി മനഃക്ലേശത്തിന് ഇടയാക്കുന്ന സംഭവങ്ങൾ ഉണ്ടാകും. വ്യാഴാഴ്ച ദിവസം അനുകൂലം.
കേട്ട: സന്താനങ്ങൾ മുഖേന മനഃസന്തോഷം വർദ്ധിക്കും. ഇഷ്ടജനങ്ങളുമായി സമ്പർക്കം പുലർത്താൻ സാധിക്കും. പിതൃ സമ്പത്ത് അനുഭവയോഗത്തിൽ വന്നു ചേരും. വാഹനലാഭം ഉണ്ടാകും. വെള്ളിയാഴ്ച ദിവസം അനുകൂലം.
മൂലം: മനസിന് സന്തോഷം തരുന്ന സന്ദേശങ്ങൾ ലഭിക്കും. ഉദ്യോഗാർത്ഥികളുടെ പരിശ്രമങ്ങൾ ഫലവത്താകും. കർമ്മരംഗത്ത് പലവിധത്തിലുള്ള വിഷമതകൾ അനുഭവപ്പെടും. വിദ്യാർത്ഥികൾക്ക് ഉപരിപഠനത്തിന് തടസം വരാതിരിക്കാൻ ശ്രദ്ധിക്കണം. വ്യാഴാഴ്ച ദിവസം അനുകൂലം.
പൂരാടം: കർമ്മരംഗത്ത് ഉയർച്ച അനുഭവപ്പെടും. സന്താനങ്ങളുടെ വിവാഹകാര്യത്തിൽ അനുകൂല തീരുമാനം ഉണ്ടാകും. ഗൃഹനവീകരണ പ്രവർത്തനങ്ങളിൽ ഏർപ്പെടും. നാടുവിട്ട് കഴിയുന്നവർക്ക് സ്വന്തം നാട്ടിലേക്ക് തിരിച്ചു വരുന്നതിനുള്ള ശ്രമം വിജയിക്കും. മനഃപ്രയാസമുണ്ടാക്കുന്ന കാര്യങ്ങളിൽ ശ്രദ്ധിക്കേണ്ടി വരും. വെള്ളിയാഴ്ച ദിവസം അനുകൂലം.
ഉത്രാടം: സന്താനങ്ങൾ മുഖേന മനഃസന്തോഷം വർദ്ധിക്കും. കലാരംഗത്ത് പ്രവർത്തിക്കുന്നവർക്ക് പ്രതീക്ഷകൾ പൂവണിയും. വിവാഹസംബന്ധമായി നിർണായക തീരുമാനം എടുക്കാൻ കഴിയാതെ വരും. വിദേശത്ത് തൊഴിൽ ചെയ്യുന്നവർക്ക് അപ്രതീക്ഷിതമായി ജോലി നഷ്ടപ്പെടാൻ സാദ്ധ്യത. സാമ്പത്തിക രംഗത്ത് കർശന നിലപാടുകൾ എടുക്കും. ശനിയാഴ്‌ച ദിവസം അനുകൂലം.
തിരുവോണം: സാമ്പത്തികനേട്ടം പ്രതീക്ഷിക്കാം. മേലാധികാരികളുടെ പ്രീതി സമ്പാദിക്കും. ശത്രുക്കളിൽ നിന്നും മോചനം ലഭിക്കും. ദമ്പതികൾ തമ്മിൽ അഭിപ്രായ വ്യത്യാസം ഉണ്ടാകും. പുതിയ സുഹൃത് ബന്ധം മുഖേന ജീവിതത്തിൽ മാറ്റം ഉണ്ടാകും. സഹോദരങ്ങളുമായി തീരുമാനിച്ച് പുതിയ പദ്ധതികൾ ആവിഷ്‌കരിക്കും . ബന്ധുമിത്രാദികളെ കണ്ടുമുട്ടാനുള്ള അവസരം ലഭിക്കും. വ്യാഴാഴ്ച ദിവസം അനുകൂലം.
അവിട്ടം: പ്രവർത്തികളിൽ ജാഗ്രത പാലിക്കണം. നഷ്‌ടപ്പെട്ട ധനം തിരികെ ലഭിക്കും. ബുദ്ധിപരമായി പല സന്ദർഭങ്ങളും കൈകാര്യം ചെയ്യാൻ ശ്രമിക്കണം. കുടുംബപരമായി കൂടുതൽ ഉത്തരവാദിത്വങ്ങൾ ഏറ്റെടുക്കേണ്ടി വരും. ദിനചര്യയിൽ പലമാറ്റവും ഉണ്ടാകും. ചിലർ മനസിൽ ഇഷ്‌ടപ്പെടാത്തരീതിയിൽ പെരുമാറും. വ്യാഴാഴ്ച ദിവസം അനുകൂലം.
ചതയം: മനസിന് സന്തോഷം തരുന്ന സന്ദേശങ്ങൾ ലഭിക്കും. യാത്രകൾ ഉല്ലാസപ്രദമാകും. അവിവാഹിതരുടെ വിവാഹ കാര്യത്തിൽ തീരുമാനം എടുക്കും. സഹോദരസ്ഥാനീയരിൽ നിന്നും സഹായസഹകരണങ്ങൾ ലഭിക്കും. ഭൂമിസംബന്ധമായി അഭിപ്രായ വ്യത്യാസം ഉണ്ടാകും. ബുധനാഴ്‌ച ദിവസം ഉത്തമമാണ്.
പൂരുരുട്ടാതി: മനസിന് സന്തോഷം ലഭിക്കും. അസാമാന്യമായ കർമ്മകുശലത പ്രകടമാക്കും. മനസിൽ ആഗ്രഹിക്കുന്ന കാര്യങ്ങൾ ഭംഗിയായി നിറവേറും. ദാമ്പത്യജീവിതം സന്തോഷപ്രദമായിരിക്കും. സർക്കാർ സംബന്ധമായ കാര്യങ്ങൾക്ക് അനുകൂല വിധി ഉണ്ടാകും. വെള്ളിയാഴ്ച ദിവസം അനുകൂലം.
ഉത്രട്ടാതി: വിദ്യാർത്ഥികൾ പഠനകാര്യത്തിൽ കൂടുതൽ ശ്രദ്ധ ചെലുത്തേണ്ടതാണ്. ഇഷ്‌ടഭോജനം സാദ്ധ്യമാകും. പ്രതീക്ഷിക്കാത്ത സമയത്ത് ചില ഉത്തരവാദിത്വങ്ങൾ ഏറ്റെടുക്കേണ്ടതായി വരും. സഹോദരസ്ഥാനീയരുമായി അഭിപ്രായ വ്യത്യാസം ഉണ്ടാകും. അസാധാരണ വാക്സാമർത്ഥ്യം പ്രകടമാക്കും. സന്താനങ്ങളുടെ ആരോഗ്യകാര്യങ്ങൾക്കായി പണം ചെലവഴിക്കും. വെള്ളിയാഴ്ച ദിവസം അനുകൂലം.
രേവതി: കലാരംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും. ബിസിനസ് രംഗത്ത് പ്രവർത്തിക്കുന്നവർക്ക് തൊഴിൽപരമായി ധാരാളം മത്സരങ്ങൾ നേരിടും. ആരോഗ്യപരമായി വളരെയധികം ശ്രദ്ധിക്കുക. ഗൃഹാന്തരീക്ഷം പൊതുവേ അസംതൃപ്‌തമായിരിക്കും. വ്യാഴാഴ്ച ദിവസം അനുകൂലം.