കാബൂൾ: കൊവിഡ് പ്രതിസന്ധിയ്ക്കിടയിൽ 75000 മെട്രിക് ടൺ ഗോതമ്പ് സംഭാവനയായി നൽകിയ ഇന്ത്യക്ക് നന്ദി പറഞ്ഞ് അഫ്ഗാനിസ്ഥാൻ. ഏപ്രിൽ മുതൽ സെപ്തംബർ വരെ ആറു മാസ കാലയളവിലാണ് ഇന്ത്യ അഫ്ഗാന് ഗോതമ്പ് നൽകിയത്. ഭക്ഷ്യസുരക്ഷ വർദ്ധിപ്പിക്കാനായുള്ള ഇന്ത്യയുടെ നടപടിയോട് അങ്ങേയറ്റത്തെ നന്ദി അറിയിക്കുന്നു; അതും കൊവിഡ് കാലത്ത്. ആവശ്യമുള്ളപ്പോൾ സഹായിക്കുന്നവനാണ് സുഹൃത്ത് - -അഫ്ഗാൻ സ്ഥാനപതി താഹിർ ഖാദിരി ട്വീറ്റ് ചെയ്തു. കഴിഞ്ഞ ദിവസമുണ്ടായ കാബൂൾ സർവകലാശാല ഭീകരാക്രമണത്തെ തുടർന്ന് എംബസി സന്ദർശിച്ച ഇന്ത്യൻ അധികൃതർക്കും വിശിഷ്ടാതിഥികൾക്കും സൈനിക ഉദ്യോഗസ്ഥർക്കും അദ്ദേഹം നന്ദി അറിയിച്ചു.