വാഷിംഗ്ടൺ: അമേരിക്കൻ ജനപ്രതിനിധി സഭയിലേക്ക് തിരഞ്ഞെടുക്കപ്പെട്ട് ഇന്ത്യൻ വംശജൻ. കർണാടകയിൽ ജനിച്ചുവളർന്ന് അമേരിക്കയിലേക്ക് കുടിയേറിയ ​ശ്രീ തനേദറാണ് മിഷിഗണിൽ നിന്ന് ഡെമൊക്രാറ്റിക് സ്ഥാനാ‌ർത്ഥിയായി മത്സരിച്ച് വിജയിച്ചത്. ഇദ്ദേഹത്തിന്​ 93 ശതമാനം വോട്ട്​ ലഭിച്ചു. 'സുപ്രധാന തിരഞ്ഞെടുപ്പിൽ നിങ്ങളുടെ പിന്തുണക്കും വോട്ടിനും നന്ദി. -തനേദർ ട്വീറ്റ്​ ചെയ്​തു. എല്ലാ ജനങ്ങളുടെയും ജീവിത നിലവാരം ഉയർത്താൻ ശ്രമിക്കുമെന്നും ജനങ്ങളുടെ പിന്തുണ ഇല്ലാതെ ഒന്നും ചെയ്യാൻ സാധിക്കില്ലെന്നും അദ്ദേഹം കൂട്ടിച്ചേർത്തു. 1955ൽ കർണാടകയിലെ ബെൽഗാമിൽ ജനിച്ച തനേദർ 1977ൽ ബോംബെ സർവകലാശാലയിൽനിന്ന്​ പഠനം പൂർത്തിയാക്കിയ ശേഷം 1979ൽ യു.എസിലേക്ക്​ കുടിയേറി. ഒഹിയോ സർവകലാ​ശാലയിൽനിന്ന്​ പി.എച്ച്.ഡിയും നേടി.