വാഷിംഗ്ടൺ: വൈറ്റ് ഹൗസ് ചീഫ് ഒഫ് സ്റ്റാഫ് മാർക്ക് മെഡോസിന് കൊവിഡ്. ബുധനാഴ്ചയാണ് അദ്ദേഹത്തിന് കൊവിഡ് സ്ഥിരീകരിച്ചതെന്ന് മുതിർന്ന ഭരണവിഭാഗം ഉദ്യോഗസ്ഥൻ അറിയിച്ചു. ബ്ലൂംബർഗ് ന്യൂസാണ് വാർത്ത റിപ്പോർട്ട് ചെയ്തത്.
അതേസമയം വൈറ്റ് ഹൗസിലെ മറ്റൊരു ഉന്നത ഉദ്യോഗസ്ഥനും കൊവിഡ് ബാധിച്ചുവെന്ന സ്ഥിരീകരിക്കാത്ത റിപ്പോർട്ടുകൾ പുറത്ത് വരുന്നുണ്ട്.
കഴിഞ്ഞ ഞായറാഴ്ചയും തിങ്കളാഴ്ചയും മെഡോസ് യു.എസ് പ്രസിഡന്റ് ഡൊണൾഡ് ട്രംപിനൊപ്പം സഞ്ചരിച്ചിരുന്നു. തിരഞ്ഞെടുപ്പിന് ശേഷം വൈറ്റ് ഹൗസിൽ നടന്ന പാർട്ടിയിലും അദ്ദേഹം പങ്കെടുത്തിരുന്നു.