മാഞ്ചസ്റ്റർ യുണൈറ്രഡ് 3-1ന് എവർട്ടണിനെ കീഴടക്കി

ബ്രൂണോ ഫെർണാണ്ടസിന് ഇരട്ട ഗോൾ

ല​ണ്ട​ൻ​:​ ​ഇം​ഗ്ലീ​ഷ് ​പ്രി​മി​യ​ർ​ ​ലീ​ഗി​ൽ​ ​ഇ​ന്ന​ലെ​ ​ന​ട​ന്ന​ ​മ​ത്സ​ര​ത്തി​ൽ​ ​ബ്രൂ​ണോ​ ​ഫെ​ർ​ണാ​ണ്ട​സി​ന്റെ​ ​ത​ക​ർ​പ്പ​ൻ​ ​പ്ര​ക​ട​ന​ത്തി​ന്റെ​ ​പി​ൻ​ബ​ല​ത്തി​ൽ​ ​മാ​ഞ്ച​സ്റ്റർ​ ​യു​ണൈ​റ്റ​ഡ് 3​-1​ന് ​എ​വ​ർ​ട്ട​ണി​നെ​ ​കീ​ഴ​ട​ക്കി.​ ​ര​ണ്ട് ​ഗോ​ളു​ക​ൾ​ ​നേ​ടു​ക​യും​ ​എ​ഡി​സ​ൺ​ ​ക​വാ​നി​യു​ടെ​ ​ഗോ​ളി​ന് ​വ​ഴി​യൊ​രു​ക്കു​ക​യും​ ​ചെ​യ്ത​ ​ബ്രൂ​ണോ​ ​ഫെ​ർ​ണാ​ണ്ട​സാ​ണ് ​യു​ണൈ​റ്റ​ഡി​ന്റെ​ ​വി​ജ​യ​ ​ശി​ല്പി.​ ​യു​ണൈ​റ്റഡ് ​ജേ​ഴ്സി​യി​ൽ​ ​കവാനിയുടെ ആ​ദ്യ​ ​ഗോ​ൾ​ ​കൂ​ടി​യാ​യി​രു​ന്നു​ ​മ​ത്സ​ര​ത്തി​ലേ​ത്.​ ​ഈ​ ​വി​ജ​യം​ ​പു​റ​ത്താ​ക്ക​ൽ​ ​ഭീ​ഷ​ണി​യി​ലാ​യി​രു​ന്ന​ ​മാ​ഞ്ച​സ്റ്റ​ർ​ ​കോ​ച്ച് ​ഒ​ലെ​ ​ഗു​ണ്ണ​ർ​ ​സോ​ൾ​ക്‌​ഷെ​യ​റി​നും​ ​ഏ​റെ​ ​ആ​ശ്വാ​സം​ ​പ​ക​രു​ന്ന​താ​യി.​ ​തു​ട​ക്ക​ത്തി​ൽ​ ​പോ​യി​ന്റ് ​ടേ​ബി​ളി​ൽ​ ​ഒ​ന്നാം​ ​സ്ഥാ​ന​ത്താ​യി​രു​ന്ന​ ​എ​വ​ർ​ട്ട​ണി​ന്റെ​ ​തു​ട​ർ​ച്ച​യാ​യ​ ​മൂ​ന്നാം​ ​തോ​ൽ​വി​യാ​ണി​ത്.​ ​പോ​യി​ന്റ് ​ടേ​ബി​ളി​ൽ​ ​അ​വ​രി​പ്പോ​ൾ​ ​അ​ഞ്ചാം​ ​സ്ഥാ​ന​ത്താ​ണ്.​ ​യു​ണൈറ്റഡ് 13​-ാം​ ​സ്ഥാ​ന​ത്തും.

സതാംപ്ടൺ ടോപ്പിൽ

സതാംപ്ടൺ മറുപടിയില്ലാത്ത രണ്ട് ഗോളുകൾക്ക് ന്യൂകാസിൽ യുണൈറ്രഡിനെ കീഴടക്കി.ചെ ആഡംസും, സ്റ്രുവർട്ട് ആംസ്ട്രോംഗുമാണ് സതാംപ്ടണിന്റെ സ്കോറർമാർ. ജയത്തോടെ സതാംപ്ടൺ പോയിന്റ് ടേബിളിൽ ഒന്നാമതെത്തി. ചരിത്രത്തിൽ ആദ്യമായാണ് സതാംപ്ടൺ പോയിന്റ് ടേബിളിൽ എൻഡ് ഒഫ് ദ ഡേയിൽ ഒന്നാം സ്ഥാനം നിലനിറുത്തുന്നത്.

ക്രിസ്റ്റൽ ക്ലിയർ

മറ്രൊരു മത്സരത്തിൽ ക്രിസ്റ്റൽ പാലസ് 4-1ന് ലീഡ്സ് യുണൈറ്രഡിനെ തോൽപ്പിച്ചു. സ്കോട്ട് ഡാൻ, എസ്സെ, കോസ്റ്റ, അയൂ എന്നിവരാണ് ക്രിസ്റ്റലിനായി ഗോൾ നേടിയത്. ബാംഫോർഡ് ലീഡ്സിനായി ഒരു ഗോൾ മടക്കി.