എല്ലാവരുടെയും വീടുകളിലുള്ള പാചക ചേരുവയാണ് പുളി. കറികളിൽ ചേർക്കുന്നതിന് പുറമേ പുളി ഉപയോഗിച്ച് നമുക്ക് ആരോഗ്യകരമായ ഒരു ജ്യൂസ് തയാറാക്കാം. കുരുകളഞ്ഞ പുളി രണ്ടു ഗ്ലാസ് വെള്ളത്തിൽ വേവിക്കുക. ഒരു നുള്ള് മഞ്ഞൾപൊടി ചേർത്തശേഷം ഇറക്കിവക്കുക. വെള്ളം തണുത്ത ശേഷം അരിച്ച് തേനും ഐസ് ക്യൂബുകളും ചേർത്ത് കുടിക്കാം.

ദഹനപ്രശ്നങ്ങൾക്കും വയറിന്റെ മറ്റ് അസ്വസ്ഥതകൾക്കും ഈ ജ്യൂസ് ഫലപ്രദമാണ്. ധാരാളം ഫൈബർ അടങ്ങിയിരിക്കുന്നതിനാൽ അമിത ഭാരം കുറയ്ക്കുന്നതിനും ശരീരത്തിൽ നിന്ന് വിഷവസ്തുക്കൾ പുറംതള്ളുന്നതിനും പുളി ജ്യൂസ് ഉപകരിക്കും. ഇതിലെ വിറ്രാമിൻ സി ചർമത്തിന്റെ ആരോഗ്യം സംരക്ഷിക്കുന്നു. കൊളസ്ട്രോൾ ലെവൽ കുറയ്ക്കാൻ ഉപകരിക്കുന്നതിലൂടെ ഹൃദയാരോഗ്യം സംരക്ഷിക്കാനും സഹായകമാണ് ഈ പാനീയം.