ന്യൂഡൽഹി : അമേരിക്കയുടെ 46ാമത് പ്രസിഡന്റായി ജോ ബൈഡൻ കഴിഞ്ഞ ദിവസം തിരഞ്ഞെടുക്കപ്പെട്ടിരുന്നു. നിലവിലെ പ്രസിഡന്റായിരുന്ന ഡൊണാൾഡ് ട്രംപിനെതിരെയായിരുന്നു ജോ ബൈഡൻ ചരിത്രവിജയം നേടിയത്. വൈസ് പ്രസിഡന്റായി ഇന്ത്യൻ വംശജയായ കമല ഹാരിസും തിരഞ്ഞെടുക്കപ്പെട്ടു. നിയുക്ത പ്രസിഡന്റ് ജോ ബൈഡനെ ഇന്ത്യൻ പ്രധാനമന്ത്രി നരേന്ദ്രമോദിയും അഭിനന്ദിച്ചിരുന്നു. ഇന്ത്യയും അമേരിക്കയും തമ്മിലുള്ള ബന്ധം കൂടുതൽ ഉയരങ്ങളിലേത്തിക്കുവാൻ ഒരുമിച്ച് പ്രവർത്താകമെന്നും മോദി ഫേസ്ബുക്കിൽ കുറിച്ചു.
അതേ സമയം ട്വിറ്ററിൽ അമേരിക്കയിലും ഇന്ത്യയിലുമായി നടത്തിയ ഹൗഡി മോദി, നമസ്തേ ട്രംപ് പരിപാടിയെ പരിഹസിച്ച് എതിരാളികൾ രംഗത്തെത്തി. മോദിയുടെ നേതൃത്വത്തിൽ ട്രംപിനെ ജയിപ്പിക്കാനായി അമേരിക്കയിൽ സംഘടിപ്പിച്ച ഹൗഡിമോദി പരിപാടിയുടെ ഹാഷ്ടാഗാണ് ട്വിറ്ററാറ്റികൾ വീണ്ടും ട്രെൻഡിംഗ്ആ ക്കിയത്. കഴിഞ്ഞ വർഷം ടെക്‌സസിലെ ഹ്യൂസ്റ്റണിലായിരുന്നു ഹൗഡിമോദി ഷോ നടന്നത്.
ഇന്ത്യയിൽ നിന്നുള്ള സംഘപരിവാർ അനുകൂലികൾ സംഘടിപ്പിച്ച പരിപാടിയിൽ അടുത്ത അമേരിക്കൻ പ്രസിഡന്റായി ട്രംപിനെ തിരഞ്ഞെടുക്കണമെന്നാണ് മോദി് ആഹ്വാനം ചെയ്തത്. ട്രംപിന്റെ കൈപിടിച്ച് നടന്നും പുകഴ്ത്തിയും പരസ്യമായി വോട്ട് ചോദിച്ച മോദിക്കേറ്റ തിരിച്ചടിയാണ് ബൈഡെൻറ വിജയമെന്നാണ് എതിരാളികൾ പറയുന്നത്. ഹൗഡിമോദി കൂടാതെ ട്രംപിനെ വിജയിപ്പിക്കാനായി നമസ്തേ ട്രംപ് എന്നപേരിൽ ഇന്ത്യയിലും മോദിയുടെ സംഘാടനത്തിൽ പരിപാടി നടന്നിരുന്നു. ഇതിനേയും ആളുകൾ വ്യാപകമായി പരിഹസിക്കുന്നുണ്ട്.
Dear @narendramodi ji you spent so much money of indian taxpayer by doing #HowdyModi and #NamasteTrump to promote Trump so that trump win but this is your biggest diplomatic blunder in Indian history which will pay India unfortunately. #JoeBidenKamalaHarris2020 pic.twitter.com/uuoaWXNhg0
— Kamal (@Kamal94522175) November 8, 2020
'പ്രിയ നരേന്ദ്ര മോദിജി, ട്രംപിനെ ജയിപ്പിക്കുന്നതിന് ഹൗഡിമോദി, നമസ്തേ ട്രംപ് എന്നിവ സംഘടിപ്പിച്ചുകൊണ്ട് നിങ്ങൾ ഇന്ത്യൻ നികുതിദായകരുടെ വളരെയധികം പണം ചെലവഴിച്ചു. പക്ഷേ ഇത് നിങ്ങളുടേയും ഇന്ത്യയുടെ ചരിത്രത്തിലേയും ഏറ്റവും വലിയ നയതന്ത്ര വീഴ്ചയാണ്' എന്നാണ് കമൽ എന്നയാൾ ട്വീറ്റ് ചെയ്തത്.
Yes to supporting Trump is a diplomatic blunder #HowdyModi
— Palak Parashar (@PalakParashar5) November 8, 2020
എന്നാൽ ഹൗഡിമോദി ടെക്‌സസ് സ്റ്റേറ്റിലാണ് സംഘടിപ്പിച്ചതെന്നും. അത് വിജയകരമായ ഷോ ആയിരുന്നു. കാരണം ട്രംപിന് ടെക്‌സസിൽ വിജയിക്കാനായി. അതിനാൽ വിഡ്ഡിത്തരങ്ങൾ നിറഞ്ഞ ട്വീറ്റുകൾ നിർത്തുക'ചിലർ പരിഹസിക്കുന്നു.
First of all you have to remember one thing is that #HowdyModi were organised in Texas State, and it was incredible successful show out there, and Trump got victory from Texas. So stop making some fool tweets bro!! do a proper reading before some sweets. #Modiji https://t.co/4JB3J7gErW