മോസ്കോ: ലോകത്തിലെ ഏറ്റവും തിളക്കമാർന്നതെന്ന് അറിയപ്പെടുന്ന പിങ്ക് ഡയമൻഡ് ലേലത്തിന്. ദി സ്പിരിറ്റ് ഒഫ് റോസ് എന്നാണ് ഈ വജ്രം അറിയപ്പെടുന്നത്.

നവംബർ11 ന് സോതെബിയിലെ ജനീവ മാഗ്നിഫിഷ്യന്റ് ജ്വല്ലേഴ്‌സാണ് വജ്രം ലേലത്തിൽ വിൽക്കുക.

വജ്രം 14.83 കാരറ്റ് തൂക്കമുള്ളതാണ്. 2.3 കോടി യു എസ് ഡോളർ മുതൽ 3.8 കോടി വരെ വില ലഭിക്കുമെന്നാണ് പ്രതീക്ഷിക്കുന്നത്.

ലോകത്തിൽ ഇതുവരെ ലേലത്തിൽ വിൽക്കുന്ന ഏറ്റവും വലിയ പർപ്പിൾ -പിങ്ക് വജ്രമാണിത്. ഇതുവരെ ഖനനം ചെയ്‌തെടുത്ത പിങ്ക് വജ്രങ്ങളിൽ ആകെ ഒരു ശതമാനം മാത്രമേ 10 കാരറ്റിന് മുകളിൽ ഉള്ളു. റഷ്യയിലെ വടക്കുകിഴക്കൻ സഖാ റിപ്പബ്ലിക്കിലെ ഖനന ഭീമനായ അൽറോസയുടെ ഉടമസ്ഥതയിലുള്ള ഖനിയിൽ നിന്ന് 2017ലാണ് 27.85 കാരറ്റ് പരുക്കൻ പിങ്ക് വജ്രം ലഭിച്ചത്.
‌