തിരുവനന്തപുരം: തദ്ദേശ ഭരണസമിതി തിരഞ്ഞെടുപ്പിൽ തിരുവനന്തപുരം കോർപറേഷനിൽ 35 സ്ഥാനാർഥികളെ പ്രഖ്യാപിച്ച് യുഡിഎഫ്. ഞായറാഴ്ച രാത്രിയാണ് സ്ഥാനാര്‍ഥികളുടെ പേരുകൾ യുഡിഎഫ് ഔദ്യോഗികമായി പ്രഖ്യാപിച്ചത്.35 സ്ഥാനാർഥികളിൽ കോൺഗ്രസിന്റെ 33 സ്ഥാനാർഥികളെയും, സിഎംപിയുടെ രണ്ട് സ്ഥാനാർഥികളെയുമാണ് ആദ്യഘട്ടത്തിൽ പ്രഖ്യാപിച്ചിരിക്കുന്നത്.
60 വാർഡുകളിൽ സ്ഥാനാർഥി നിർണയത്തിൽ ധാരണയായിട്ടുണ്ടെന്നു ഡിസിസി പ്രസിഡന്‍റ് അറിയിച്ചു. വഴുതക്കാട് മുൻ കൗൺസിലർ കെ. സുരേഷ് കുമാറാണ് പേട്ട ഡെപ്യൂട്ടി മേയർ രാഖി രവികുമാറിനെതിരെ മത്സരിക്കുന്നത്. ചെറുവയ്ക്കലിൽ സി.എം.പി തങ്ങളുടെ സിറ്റിംഗ് കൗൺസിലർ വി.ആർ. സിനിക്കാണ് അവസരം നൽകിയിരിക്കുന്നത്. കണ്ണമൂലയിൽ സൗമിനി അനിലാണ് സി.എം.പിയുടെ സ്ഥാനാർഥി. തമ്പാനൂർ, പള്ളിത്തുറ, പൗണ്ട്കടവ്, കഴക്കൂട്ടം, ശ്രീകാര്യം അടക്കമുള്ള മിക്ക വാർഡുകളിലും സ്ഥാനാർഥികളെ പ്രഖ്യാപിച്ചിട്ടില്ല.
യു.ഡി.എഫ് കൗൺസിലർമാരും വാർഡുകളും
കടകംപള്ളി ഡി. അനിൽകുമാർ, നാലാഞ്ചിറ ജോൺസൺ ജോസഫ്, ചെല്ലമംഗലം രേഖ വിജയൻ, ചെമ്പഴന്തി അണിയൂർ എം പ്രസന്നകുമാർ, പൗണ്ടികോണം എം. കല, ഞാണ്ടൂർക്കോണം ഐ. സിന്ധു, ഉള്ളൂർ പി. ബിന്ദു, മണ്ണന്തല വനജ രാജേന്ദ്രബാബു, കവടിയാർ എസ്. സതികുമാരി, കാഞ്ഞിരംപാറ ഗായത്രി വി. നായർ, തുരുത്തുംമൂല അജന്ത രതീഷ്, പുന്നയ്ക്കാമുഗൾ സ്മിത ജി ചന്ദ്രൻ, എസ്‌റ്റേറ്റ് എൻ. ശ്രീന, മേലാങ്കോട് വി.ജെ. സുമി കൃഷ്ണ, ഫോർട്ട് ഉദയലക്ഷ്മി, ചെറുവയ്ക്കൽ വി.ആർ. സിനി (സി.എം.പി) കണ്ണമൂല സൗമ്യ അനിൽ, പാങ്ങോട് അഡ്വ. സ്മിത സുരേഷ്, നെട്ടയം വി. ഷിബു കുമാർ, കൊടുങ്ങാനൂർ ഡി. ശ്രീലത, വാഴോട്ടുകോണം എ. സിദ്ധുഷ, വഞ്ചിയൂർ പി.എസ്. സരോജം, പെരുന്താന്നി പി. പത്മകുമാർ,പേട്ട ആര്യ പ്രവീൺ, വഴുതക്കാട് കെ. സുരേഷ്‌കുമാർ, ആറന്നൂർ കെ. രാധ, ജഗതി നീതു വിജയൻ, മുടവൻമുഗൾ എസ്. ശ്രീകല, തൃക്കണ്ണാപുരം സ്‌നേഹ ടി.എൽ, കുളത്തൂർ സജി ചന്ദ്രൻ, പാപ്പനംകോട് സുജി സുരേഷ്, നേമം ഷീബ, ആക്കുളം ആക്കുളം സുരേഷ്, ശാസ്തമംഗലം ശാസ്തമംഗലം ഗോപൻ, ആറ്റുകാൽ അനന്തപുരി മണികണ്ഠൻ.