പാട്‌ന: ബിഹാർ തിരഞ്ഞെടുപ്പിൽ ഇഞ്ചോടിഞ്ച് പോരാട്ടം തുടരുന്നതിനിടെ സർക്കാർ രൂപീകരിക്കുന്നതിനായി നിർണായക യോഗം ചേർന്ന് എൻ.ഡി.എ. ഇതിന്റ ഭാഗമായി മുഖ്യമന്ത്രി നിതീഷ് കുമാർ ബി.ജെ.പി നേതാക്കളുമായി കൂടിക്കാഴ്ച നടത്തിവരികയാണ്. ഉപമുഖ്യമന്ത്രി സുശീൽ മോദി, ബി.ജെ.പി സംസ്ഥാന അദ്ധ്യക്ഷൻ സഞ്ജയ് ജയ്സ്വാൾ, ജെ.ഡി.യുവിന്റെ മുതിർന്ന നേതാക്കൾ എന്നിവരും യോഗത്തിൽ പങ്കെടുക്കുന്നുണ്ട്.

തിരഞ്ഞെടുപ്പ് ഫോട്ടോ ഫിനിഷിലേക്ക് എത്താനുള്ള സാദ്ധ്യതയെ തുടർന്ന് യോഗം നീളുന്നതായാണ് സൂചന. സമാനമായ സാഹചര്യം തന്നെയാണ് ആർ.ജെ.ഡിയുടെ ക്യാമ്പിലും നടക്കുന്നത്. ലീഡ് നില ഉയർന്നതോടെ സർക്കാർ രൂപികരിക്കാനാകുമെന്ന പ്രതീക്ഷയിലാണ് മഹാസഖ്യമുള്ളത്.നിലവിൽ എൻ.ഡി.എ 123,എം.ജി.എ 113 മറ്റുള്ളവർ ഏഴ് എന്നിങ്ങനെയാണ് ലീഡ് നില.