മോസ്​കോ: സ്പുട്നിക് 5 കൊവിഡ് വാക്സിന്റെ മൂന്നാംഘട്ട ക്ലിനിക്കൽ പരീക്ഷണം 92 ശതമാനം വിജയമാണെന്ന് റഷ്യ.

ബെലാറസ്​, യു.എ.ഇ, വെനസ്വേല തുടങ്ങിയ സ്ഥലങ്ങളിലാണ്​ വാക്​സിന്റെ പരീക്ഷണം നടക്കുന്നത്​. ഇന്ത്യയിൽ രണ്ട്,​ മൂന്ന്​ ഘട്ടങ്ങളുടെ പരീക്ഷണം ആരംഭിച്ചിട്ടുണ്ട്​. 10,000 പേരിലാണ്​ നിലവിൽ വാക്​സിൻ പരീക്ഷണം നടത്തിയത്​. ഇവർക്ക്​ മറ്റ്​ ആരോഗ്യപ്രശ്​നങ്ങൾ കണ്ടെത്തിയിട്ടില്ലെന്നും റഷ്യ വ്യക്​തമാക്കി.

വലിയ രീതിയിലുള്ള പരീക്ഷണം നടത്താതെ തന്നെ ആഗസ്​റ്റിൽ റഷ്യ വാക്​സിന്​ അംഗീകാരം നൽകുകയായിരുന്നു. പിന്നീട്​ സെപ്തംബറിൽ വാക്​സിന്റെ വിശദമായ പരിശോധന റഷ്യ ആരംഭിച്ചു.