ലണ്ടൻ: ​ബ്രിട്ടനിൽ ഒരു വർഷത്തിനുള്ളിൽ എട്ടു കുഞ്ഞുങ്ങളെ കൊലപ്പെടുത്തിയ സംഭവത്തിൽ നഴ്സ് അറസ്റ്റിൽ. 30കാരിയായ നഴ്​സ്​ ലൂസി ലെറ്റ്​ബി ആണ്​ ചൊവ്വാഴ്​ച അറസ്​റ്റിലായത്​.ബ്രിട്ടനിലെ വടക്കുപടിഞ്ഞാറൻ നഗരമായ ചെസ്​റ്ററിലാണ്​ സംഭവം. 2015 ജൂൺ മുതൽ 2016 ജൂൺ വരെ ഒരു പ്ര​ദേശിക ആശുപത്രിയിൽ ചികിത്സയിലായിരുന്ന എട്ടുകുഞ്ഞുങ്ങളാണ്​ കൊല്ലപ്പെട്ടത്. പത്തോളം കുഞ്ഞുങ്ങളെ കൊലപ്പെടുത്താനും ശ്രമം നടന്നു. ആശുപത്രിയിൽ തുടർച്ചയായി നവജാത ശിശു വിഭാഗത്തിൽ നിരവധി കുഞ്ഞുങ്ങൾ മരിച്ച വിവരം പുറത്തുവന്നതിനെ തുടർന്ന്​ ആശുപത്രി അധികൃതർക്കെതിരെ സംശയം ബലപ്പെടുകയായിരുന്നു. തുടർന്ന്​ നടത്തിയ അന്വേഷണത്തിൽ ലൂസി പിടിയിലായി. 2018- 19 കാലയവളവിൽ ലൂസി അറസ്​റ്റിലായിരുന്നു. എന്നാൽ തെളിവുകൾ ഇല്ലാത്തതിനെ തുടർന്ന്​ വെറുതെ വിടുകയായിരുന്നു.