ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം അഞ്ച് കോടി നാൽപത്തിയെട്ട് ലക്ഷം പിന്നിട്ടു.ഇതുവരെ 5,48,02,583 പേർക്കാണ് വൈറസ് ബാധ സ്ഥിരീകരിച്ചത്.മരണസംഖ്യയും കുതിച്ചുയരുകയാണ്. 13,24,019 പേർ മരണമടഞ്ഞു. രോഗമുക്തി നേടിയവരുടെ എണ്ണം മൂന്ന് കോടി എൺപത്തിയൊന്ന് ലക്ഷം കടന്നു.

ഏറ്റവും കൂടുതൽ രോഗികളുള്ളത് അമേരിക്കയിലാണ്. യുഎസിൽ രോഗബാധിതരുടെ എണ്ണം ഒരു കോടി പതിമൂന്ന് ലക്ഷം കടന്നു.രണ്ടരലക്ഷം പേർ മരിച്ചു. രോഗമുക്തി നേടിയവരുടെ എണ്ണം അറുപത്തിയൊമ്പത് ലക്ഷം പിന്നിട്ടു.

രോഗബാധിതരുടെ എണ്ണത്തിൽ രണ്ടാം സ്ഥാനത്ത് ഇന്ത്യയാണ്.രാജ്യത്ത് ഇതുവരെ 88,45,617പേർക്കാണ് കൊവിഡ് സ്ഥിരീകരിച്ചത്. നിലവിൽ 4,65,579പേരാണ് ചികിത്സയിലുള്ളത്. എൺപത്തിരണ്ട് ലക്ഷം പേർ സുഖം പ്രാപിച്ചു. 1.30 ലക്ഷം പേർ മരണമടഞ്ഞു.

ബ്രസീലിലും സ്ഥിതി ഗുരുതരമായി തുടരുകയാണ്.അമ്പത്തിയെട്ട് ലക്ഷം പേർക്കാണ് രാജ്യത്ത് ഇതുവരെ വൈറസ് ബാധ സ്ഥിരീകരിച്ചത്.1,65,811 പേർ മരിച്ചു. രോഗമുക്തി നേടിയവരുടെ എണ്ണം അമ്പത്തിമൂന്ന് ലക്ഷത്തോട് അടുക്കുന്നു.