ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം അഞ്ച് കോടി അറുപത്തിയഞ്ച് ലക്ഷം പിന്നിട്ടു. ഇതുവരെ 5,65,36,385 പേർക്കാണ് വൈറസ് ബാധ സ്ഥിരീകരിച്ചത്. അഞ്ച് ലക്ഷത്തോളം പേർക്കാണ് പുതുതായി വൈറസ് ബാധ സ്ഥിരീകരിച്ചത്. 13,53,832 പേർ മരണമടഞ്ഞു. മൂന്ന് കോടി തൊണ്ണൂറ്റി മൂന്ന് ലക്ഷം പേർ രോഗമുക്തി നേടി. അമേരിക്ക,ഇന്ത്യ,ബ്രസീൽ തുടങ്ങിയ രാജ്യങ്ങളിലാണ് ഏറ്റവും കൂടുതൽ രോഗബാധിതരുളളത്.

ലോകത്ത് ഏറ്റവും കൂടുതൽ രോഗികളുളളത് അമേരിക്കയിലാണ്. യു എസിൽ ആകെ രോഗബാധിതരുടെ എണ്ണം 1,18,65,041 ആയി ഉയർന്നു. 2,56,169 പേർ മരിച്ചു. രോഗമുക്തി നേടിയവരുടെ എണ്ണം എഴുപത്തിയൊന്ന് ലക്ഷം പിന്നിട്ടു.

ഇന്ത്യയിൽ 89,58,143 പേർക്കാണ് ഇതുവരെ കൊവിഡ് സ്ഥിരീകരിച്ചത്.ക​ഴി​ഞ്ഞ​ ​ദി​വ​സം​ 45,439​ ​പേർക്കാണ് ​പുതുതായി രോഗബാധ ​റി​പ്പോ​ർ​ട്ട് ​ചെ​യ്ത​ത്.​ ​മ​ര​ണ​ ​സം​ഖ്യ​ 1,31,618 ​ആ​യി. 83 ലക്ഷം പേർ രോഗമുക്തി നേടി.

ബ്രസീലിലും സ്ഥിതി അതീവ ഗുരുതരമായി തുടരുകയാണ്. രാജ്യത്ത് ഇതുവരെ 59,47,403 പേർക്കാണ് വൈറസ് ബാധ സ്ഥിരീകരിച്ചത്. 1,67,497 പേർ മരിച്ചു. രോഗമുക്തി നേടിയവരുടെ എണ്ണം അമ്പത്തിമൂന്ന് ലക്ഷം കടന്നു. രണ്ടാം ഘട്ട രോഗവ്യാപന ഭീഷണിയിലാണ് ഭൂരിഭാഗം യൂറോപ്യൻ രാജ്യങ്ങളും.

ഫ്രാൻസിലാണ് രണ്ടാം ഘട്ട വ്യാപനം ഏറ്റവും രൂക്ഷമായിരിക്കുന്നത്. റഷ്യയെ മറികടന്ന് കൊവിഡ് വ്യാപനത്തിലും മരണത്തിലും ലോകത്ത് നാലാമത് എത്തിയിരിക്കുകയാണ് ഫ്രാൻസ്.ഫ്രാൻസിൽ ഇതുവരെ 20,65,138 പേർക്കാണ് വൈറസ് ബാധ സ്ഥിരീകരിച്ചത്. 46,698 പേർ മരിച്ചു.