കോഴി​ക്കോട്: പറഞ്ഞവാക്ക് പാലി​ച്ച് കാരാട്ട് ഫൈസൽ മത്സരരംഗത്ത് ഉറച്ചുനി​ൽക്കുന്നു. തദ്ദേശ സ്ഥാപനങ്ങളി​ലേക്കുളള തി​രഞ്ഞെടുപ്പി​ൽ കൊടുവള്ളി നഗരസഭയിലെ 15-ാം ഡിവിഷനായ ചുണ്ടപ്പുറത്ത് നിന്ന് സ്വതന്ത്ര സ്ഥാനാർത്ഥി​യായി​ട്ടായി​രി​ക്കും ഫൈസൽ മത്സരിക്കുക.

തി​രഞ്ഞെടുപ്പ് പ്രഖ്യാപനത്തി​ന് മുമ്പുതന്നെ വാർഡി​ൽ ഫൈസൽ പ്രചാരണം തുടങ്ങി​യി​രുന്നു. എന്നാൽ സ്വർണക്കടത്തുകേസി​ൽ കസ്റ്റംസ് ചോദ്യം ചെയ്തതോടെ ഫൈസലി​നെ മത്സരരംഗത്തുനി​ന്ന് മാറ്റി​നി​റുത്താൻ ഐ എൽ എല്ലി​നോട് സി​ പി​ എം ആവശ്യപ്പെട്ടി​രുന്നു. ഐ എൽ എൽ നഗരസഭാ ജനറൽ സെക്രട്ടറി ഒ പി റഷീദിനോട് മത്സരിക്കാനാണ് പാർട്ടി​ ആവശ്യപ്പെട്ടത്. ഇടതുമുന്നണി ഐ എൻ എല്ലിന് കൊടുത്ത സീറ്റായിരുന്നു ചുണ്ടപ്പുറം.

എന്നാൽ മത്സര രംഗത്ത് നിന്ന് പിന്മാറേണ്ടെന്ന് ഫൈസൽ തീരുമാനി​ക്കുകയായി​രുന്നു. കൊടുവള്ളിയിലെ ജനങ്ങൾ തനിക്കൊപ്പമാണെന്നും സാധാരണ മത്സരിക്കുന്നത് പോലെ ഇത്തവണയും മത്സരിക്കുന്നെന്നുമാണ് അദ്ദേഹം പറയുന്നത്.