സിഡ്നി : ഐ.എസ്.എൽ പുതിയ സീസണിന് ഇന്നിറങ്ങുന്ന കേരളാ ബ്ലാസ്റ്റേഴ്‌സിന് ആശംസകൾ നേർന്ന് ഇന്ത്യൻ ക്രിക്കറ്റ് ടീമിലെ മലയാളി ബാറ്റ്‌സ്മാൻ സഞ്ജു സാംസൺ. ഇൻസ്റ്റഗ്രാം,ഫേസ്ബുക്ക് വീഡിയോയിലൂടെയാണ് താരം ആശംസകൾ അറിയിച്ചത്. ഇത് കേരളാ ബ്ലാസ്റ്റേഴ്സ് ഷെയർ ചെയ്തു.
ആസ്‌ട്രേലിയയ്‌ക്കെതിരെയുള്ള ഏകദിന, ട്വന്റി 20 പരമ്പരയിൽ പങ്കെടുക്കാനായി സഞ്ജു ഇപ്പോൾ ഇന്ത്യൻ ടീമിനൊപ്പം സിഡ്നിയിലാണുള്ളത്. ഈ മാസം 27-നാണ് ഏകദിന പരമ്പര ആരംഭിക്കുക.