കാഠ്മണ്ഡു: ഭൂട്ടാൻ അതിർത്തിയിൽ അനധികൃതമായി ചൈന ഗ്രാമം നിർമ്മിച്ചെന്ന് റിപ്പോർട്ട്.എന്നാൽ, ഭൂട്ടാൻ ഇത് തള്ളിയിട്ടുണ്ട്.കൂടുതൽ പ്രതികരിക്കാൻ ഭൂട്ടാൻ തയ്യാറായിട്ടില്ല. 2017ൽ ഇന്ത്യ -ചൈനീസ് സൈനികർ മുഖാമുഖം നിന്ന ദോക്ക്ലാമിന് സമീപമാണ് ചൈനയുടെ പ്രകോപനമെന്നീണ് വിവരം. ഭൂട്ടാന്റെ രണ്ടു കിലോമീറ്റർ ഉൾപ്രദേശത്തേക്ക് ചൈനീസ് ഗ്രാമമായ പാങ്ഡ വ്യാപിച്ചുകിടക്കുന്നുണ്ട്.
ഭൂട്ടാനിൽ ചൈന ഗ്രാമം നിർമിച്ചതിന്റെ ചിത്രം സി.ജി.ടി.എൻ വാർത്താ ചാനലിന്റെ സീനിയർ പ്രൊഡ്യൂസറായ ഷേൻ ഷിവേയ് ട്വീറ്റ് ചെയ്തു. ട്വീറ്റ് പിന്നീട് ഡിലീറ്റ് ചെയ്തു.
ഇന്ത്യ -ഭൂട്ടാൻ -ചൈന എന്നീ രാജ്യങ്ങൾ അതിർത്തി പങ്കിടുന്ന പ്രദേശമാണ് ദോക്ക്ലാം.