തിരുവനന്തപുരം: ഘാന പ്രതിരോധ താരം മുഹമ്മദ് ആവാൽ ഗോകുലം കേരള എഫ്.സിയുമായി കരാറിൽ ഒപ്പുവച്ചു.ഘാനയ്ക്കു വേണ്ടി ലോക കപ്പ് യോഗ്യത, ആഫ്രിക്ക കപ്പ് ഓഫ് നേഷൻസ്, അന്താരാഷ്ട്ര സൗഹൃദ മത്സരങ്ങൾ തുടങ്ങിയവ കളിച്ച പരിചയ സമ്പത്തുമായിട്ടാണ് 32 കാരനായ ആവാൽ മലബാറിലേക്ക് വരുന്നത്. ഘാന, നൈജീരിയ, മൊറോക്കോ, ദക്ഷിണ ആഫ്രിക്ക, സൗദി അറേബ്യ എന്നീ രാജ്യങ്ങളിലെ മുഖ്യ ക്ലബുകളിൽ ആവാൽ കളിച്ചിട്ടുണ്ട്. ഘാനയിലെ പ്രശസ്തമായ ഫെയ്‌നോർഡ് അക്കാഡമിയിൽ നിന്നുമാണ് അവാൽ കളി പഠിച്ചത്. തുടർന്ന് ദക്ഷിണ ആഫ്രിക്കയിലെ അസെക്സ് മിമോസസ് എന്ന ക്ലബിലേക്ക് തിരഞ്ഞെടുക്കപ്പെട്ട അവാൽ അവിടെ നിന്നും പ്രശസ്തമായ മൊറോക്കാൻ ക്ലബ് രാജ കാസാബ്ലാങ്കായ്‌ക്ക് വേണ്ടിയും ബൂട്ടണിഞ്ഞു.

"ഇന്ത്യൻ ഫുട്ബാളിനെ കുറിച്ച് വളരെയധികം കേട്ടിട്ടുണ്ട്. ഇന്ത്യയിൽ വരുവാൻ പറ്റിയതിൽ വളരെ സന്തോഷം. ഗോകുലത്തിനു വേണ്ടി ഐ ലീഗ് കിരീടം നേടണം എന്നാണ് എന്റെ ആഗ്രഹം,"

ആവാൽ

"ശക്തനായ പ്രതിരോധനിരക്കാരൻ ആണ്‌ ആവാൽ, ഹൈ ബാളുകൾ കളിക്കുവാൻ കഴിവുള്ള കളിക്കാരൻ. ഒത്തിരി പരിചയസമ്പന്നതയും ആയിട്ടാണ് ആവാൽ ഗോകുലത്തിലേക്കു വരുന്നത്,"

ഗോകുലം കേരള എഫ് സി ഹെഡ് കോച്ച് വിൻസെൻസോ ആൽബർട്ടോ