തിരുവനന്തപുരം: മാനസിക വെല്ലുവിളി നേരിടുന്ന യുവതിയെ ലൈംഗികമായി പീഡിപ്പിച്ച കേസിൽ ഭർത്താവും പാസ്റ്ററും അറസ്റ്റിൽ. ചികിത്സയ്‌ക്കെന്ന് പറഞ്ഞ് എറണാകുളത്തെത്തിച്ചാണ് ഇരുവരും യുവതിയെ പീഡിപ്പിച്ചത്.

കുട്ടികളില്ലാത്ത യുവതിയെ ചികിത്സിക്കമെന്ന് പറഞ്ഞാണ് ഭർത്താവ് പാസ്റ്ററിന്റെ അടുത്തേക്ക് കൂട്ടികൊണ്ട് പോയത്. 40 ശതമാനത്തോളം മാനസിക വെല്ലുവിളി നേരിടുന്ന യുവതി എതിർത്തിട്ടും ഭർത്താവ് കഴുത്തിന് പിടിച്ച് ഭീഷണിപ്പെടുത്തുകയായിരുന്നുവെന്നും പ്രാഥമിക അന്വേഷണത്തിൽ പൊലീസ് കണ്ടെത്തി. പീഡന വിവരം അറിഞ്ഞ സഹോദരിയാണ് ഇവർക്കെതിരെ പൊലീസിൽ പരാതിപ്പെട്ടത്. ഇതോടെ ഒന്നാം പ്രതി യുവതിയുടെ ഭർത്താവിനെയും രണ്ടാം പ്രതി പാസ്റ്റർ വില്യം ജോണിനെയും പൂവാർ പൊലീസ് അറസ്റ്റ് ചെയ്യുകയായിരുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്‌തു.