വാഷിംഗ്ടൺ: അമേരിക്കയിലെ വിസ്കോൻസിനിലെ മാളിലുണ്ടായ വെടിവയ്പ്പിൽ എട്ടുപേർക്ക് പരിക്ക്. അക്രമിക്കായി തെരച്ചിൽ തുടരുകയാണെന്ന് പൊലീസ് അറിയിച്ചു. വോവറ്റോസ മേഫെയർ മാളിൽ വെടിവയ്പ് ഉണ്ടായതായും ഉടൻ തന്നെ ഉദ്യോഗസ്ഥർ സ്ഥലത്തെത്തിയതായും എഫ്.ബി.ഐയും മിൽവോട്ടി കൗണ്ടി ഷെരീഫിന്റെ ഓഫിസും ട്വീറ്റ് ചെയ്തു. സുരക്ഷ ഉദ്യോഗസ്ഥർ സ്ഥലത്തെത്തുന്നതിന് മുമ്പ് അക്രമി കടന്നുകളഞ്ഞെന്നാണ് വിവരം. ആരുടെയും പരിക്ക് ഗുരുതരമല്ലെന്നാണ് വിവരം. 20നും 30നും ഇടയിലുള്ള യുവാവാണ് അക്രമം നടത്തിയതെന്ന് പൊലീസ് പറഞ്ഞു.