ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം അഞ്ച് കോടി എൺപത്തി നാല് ലക്ഷം പിന്നിട്ടു. അഞ്ചര ലക്ഷത്തിലധികം കേസുകളാണ് പുതുതായി റിപ്പോർട്ട് ചെയ്തത്.ഇതോടെ ആകെ രോഗബാധിതരുടെ എണ്ണം 5,84,66,802 ആയി ഉയർന്നു.13,85,708 പേർ മരിച്ചു. രോഗമുക്തി നേടിയവരുടെ എണ്ണം 4,04,51,775 ആയി.

രോഗികളുടെ എണ്ണത്തിൽ ലോകത്ത് ഒന്നാം സ്ഥാനത്ത് അമേരിക്കയാണ്. 1,62,340 പേർക്കാണ് രാജ്യത്ത് പുതുതായി രോഗം സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം 1,24,40,167 ആയി. മരണസംഖ്യയും കുത്തനെ ഉയരുകയാണ്. 2,61,757 പേർ മരിച്ചു. എഴുപത്തിനാല് ലക്ഷത്തിലധികം പേർ സുഖം പ്രാപിച്ചു.

ഇന്ത്യയിൽ വീണ്ടും രോഗവ്യാപനം രൂക്ഷമാകുകയാണ്. കഴിഞ്ഞദിവസം നാൽപത്തി അയ്യായിരത്തിലധികം പേർക്കാണ് പുതുതായി വൈറസ് ബാധ സ്ഥിരീകരിച്ചത്. ഇതോടെ ആകെ കൊവിഡ് ബാധിതരുടെ എണ്ണം തൊണ്ണൂറ് ലക്ഷം കടന്നു. 4,40,554 പേരാണ് നിലവിൽ ചികിത്സയിൽ കഴിയുന്നത്. മരണസംഖ്യ 1.33 ലക്ഷം കടന്നു. രോഗമുക്തി നേടിയവരുടെ എണ്ണം 85 ലക്ഷം പിന്നിട്ടു.

ബ്രസീലിലും രോഗവ്യാപനം രൂക്ഷമാകുകയാണ്.ആകെ രോഗബാധിതരുടെ എണ്ണം അറുപത് ലക്ഷം കടന്നു. 1,69,016 പേർ മരിച്ചു. രോഗമുക്തി നേടിയവരുടെ എണ്ണം 54 ലക്ഷം പിന്നിട്ടു. രോഗബാധിതരുടെ എണ്ണത്തിൽ നാലാം സ്ഥാനത്ത് ഫ്രാൻസാണ്. 21,27,051 പേർക്കാണ് രാജ്യത്ത് വൈറസ് ബാധ സ്ഥിരീകരിച്ചത്. 48,518 പേർ മരിച്ചു. റഷ്യയിലും രോഗവ്യാപനം രൂക്ഷമാകുകയാണ്. 20,64,748 പേർക്കാണ് രാജ്യത്ത് കൊവിഡ് സ്ഥിരീകരിച്ചത്. 35,778 പേർ മരിച്ചു.