നിസാന്റെ ഏറ്റവും പുത്തൻ കോംപാക്‌റ്റ് എസ്.യു.വിയായ മാഗ്‌നൈറ്റ് ഡിസംബർ രണ്ടിന് വിപണിയിലെത്തും. വിലയും അന്ന് അറിയാം. ജാപ്പനീസ് എൻജിനിയറിംഗ് വിദ്യയോടെ, ഇന്ത്യൻ വിപണിക്ക് അനുയോജ്യമായ വിധമാണ് നിസാൻ മാഗ്‌നൈറ്റിന്റെ രൂപകല്‌പന. പൂർണമായും ഇന്ത്യയിലാണ് നിർമ്മാണം. എല്ലാ നിസാൻ ഷോറൂമുകളിലും ബുക്കിംഗ് സൗകര്യമുണ്ട്.

1.0 ലിറ്റർ ടർബോ പെട്രോൾ എൻജിനാണ് പ്രതീക്ഷിക്കുന്നത്. സി.വി.ടി ഓപ്‌ഷനുണ്ടാകും. ആകർഷകവും പുതുമനിറഞ്ഞതുമാണ് രൂപകല്‌പന. മികച്ച ഇൻഫോടെയ്‌ൻമെന്റ്, സ്‌പീക്കറുകൾ, 360 ഡിഗ്രി വ്യൂ കാമറ തുടങ്ങി ഫീച്ചർ സമ്പന്നമാകും അകത്തളം. മാരുതി വിറ്റാര ബ്രെസ, കിയ സോണറ്റ്, ഹ്യുണ്ടായ് വെന്യൂ എന്നിവയാണ് എതിരാളികൾ. വില പ്രതീക്ഷ 5-10 ലക്ഷം രൂപയ്ക്ക് മദ്ധ്യേ.