കേരള മുഖ്യമന്ത്രി പിണറായി വിജയനെയും സംസ്ഥാന സർക്കാരിന്റെ പ്രവർത്തനങ്ങളെയും പ്രകീർത്തിച്ച് സംസാരിച്ചിട്ടുള്ള തമിഴ് സൂപ്പർതാരം കമൽഹാസനെ വിമർശിച്ച് തെന്നിന്ത്യൻ നടി കസ്തൂരി. തമിഴ്‌നാട്ടിലെ എ.ഐ.ഡി.എം.കെ സർക്കാരിനെയും, ബി.ജെ.പി സർക്കാരുകളെയും നിരന്തരം വിമർശിക്കുകയും കേരള സർക്കാരിന്റെ നയങ്ങളെ പുകഴ്ത്തുകയും ചെയ്യുന്ന കമൽഹാസന് സംസ്ഥാന സർക്കാർ കൊണ്ടുവന്ന പൊലീസ് ആക്ട് 118എ ഭേദഗതിയുടെ പശ്ചാത്തലത്തിലും പഴയ നിലപാട് തന്നെയാണോ ഉള്ളതെന്നാണ് കസ്തൂരിയുടെ ചോദ്യം. ആക്ട് ഭേദഗതിക്കെതിരെ ഉണ്ടായ വിമർശനങ്ങൾ കണക്കിലെടുത്ത് ഈ തീരുമാനത്തിൽ നിന്നും കേരള സർക്കാർ പിന്മാറുന്നതിന് മുൻപായിട്ടാണ് കസ്തൂരി കമലിനോട് ട്വിറ്റർ വഴി ഈ ചോദ്യം ചോദിച്ചത്.

കുറിപ്പ് ചുവടെ:

'ബഹുമാനപ്പെട്ട കമൽഹാസൻ,
പിണറായി വിജയന്റെ പൊലീസ് ആക്ട് ഭേദഗതിയെ നിങ്ങൾ എങ്ങനെയാണ് കാണുന്നത്?
മുൻപ്, നിരന്തരം എ.ഐ.എ.ഡി.എം.കെ, ബി.ജെ.പി സർക്കാരുകളെ സ്വേച്ഛാധിപത്യ ഭരണസംവിധാനങ്ങളെന്ന് നിങ്ങൾ ചൂണ്ടിക്കാണിച്ചിട്ടുണ്ട്.
ഒപ്പം, കേരള സർക്കാരിനെ മികച്ച ഭരണത്തിന്റെ പേരിലും, കൊറോണ നിയന്ത്രണത്തിന്റെ പേരിലും നിങ്ങൾ പ്രകീർത്തിച്ചിട്ടുമുണ്ട്.
അതേ കാഴ്ചപ്പാടുകൾ തന്നെയാണോ നിങ്ങൾക്ക് ഇപ്പോഴുമുള്ളത്?'

Respected @ikamalhaasan ,
How do u see @vijayanpinarayi 's Kerala police act amendment?
You have frequently called out ADMK and BJP govts as authoritarian.
and praised kerala as example for good governance, corona control etc.
Do you still have the same views?@drmahendran_r

— Kasturi Shankar (@KasthuriShankar) November 22, 2020