കൊച്ചി: സോളാർ പീഡനക്കേസിലെ പരാതിക്കാരി ഇന്ന് രഹസ്യമൊഴി നൽകില്ല.പണിമുടക്കായതിനാൽ തനിക്ക് കോടതിയിൽ എത്താൻ സാധിക്കില്ലെന്ന് പരാതിക്കാരി അന്വേഷണ സംഘത്തെ അറിയിച്ചു.എറണാകുളം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി ഒന്നിൽ രാവിലെ 11 ന് ഹാജരാകാനായിരുന്നു ആവശ്യപ്പെട്ടിരുന്നത്.

മുൻ മന്ത്രി എ പി അനിൽകുമാറിനെതിരായ പീഡന കേസിലാണ് രഹസ്യമൊഴി.കൊച്ചിയിലെ ഹോട്ടലിൽവച്ച് ലൈംഗികമായി പീഡിപ്പിച്ചെന്നാണ് പരാതി. ദിവസങ്ങൾക്ക് മുമ്പ് അന്വേഷണ സംഘം ഹോട്ടലിൽ എത്തി തെളിവെടുപ്പ് നടത്തിയിരുന്നു.