ന്യൂഡൽഹി: രാജ്യത്തെ വിവിധ മെഡിക്കൽ കോളേജുകളിലെ സൂപ്പർ സ്‌പെഷ്യാലിറ്റി കോഴ്സുകളിലേക്ക് സർവീസിലുളള ഡോക്‌ടർമാർക്ക് ഈ വർഷം സംവരണം ഉണ്ടായിരിക്കില്ലെന്ന് വ്യക്തമാക്കി സുപ്രീംകോടതി. 2020 -21 അദ്ധ്യായന വർഷത്തിൽ സർവീസിൽ ഉളളവർക്കുളള സംവരണം ഇല്ലാതെ പ്രവേശനം നടത്താൻ ജസ്റ്റിസ് എൽ നാഗേശ്വർ റാവു അദ്ധ്യക്ഷനായ ബെഞ്ചാണ് നിർദേശിച്ചത്.

അതേസമയം, സർവീസിലുളളവർക്കുളള സംവരണം ചോദ്യം ചെയ്‌തുളള ഹർജികളിൽ അന്തിമ വാദം ഫെബ്രുവരിയിൽ കേൾക്കാൻ കോടതി തീരുമാനിച്ചു. നേരത്തെ കേരള ഹൈക്കോടതിയും മദ്രാസ് ഹൈക്കോടതിയും സർവീസിൽ ഉളളവർക്ക് സൂപ്പർ സ്‌പെഷ്യാലിറ്റി കോഴ്സുകളിൽ സംവരണം നൽകി കൊണ്ട് പ്രവേശനം നടത്താൻ അനുമതി നൽകിയിരുന്നു.