സാവോ പാളോ: കൊവിഡ് വാക്സിൻ സ്വീകരിക്കില്ലെന്ന് ബ്രസീൽ പ്രസിഡന്റ് ജെയർ ബൊൾസൊനാരോ. കൊവിഡ് വാക്സിൻ സ്വീകരിക്കില്ലെന്ന് ഞാൻ പറയാൻ ആഗ്രഹിക്കുകയാണ്. വാക്സിൻ സ്വീകരിക്കാതിരിക്കൽ തന്റെ അവകാശമാണെന്നും അദ്ദേഹം പറഞ്ഞു. പല തവണ വാക്സിൻ പരീക്ഷണങ്ങൾക്കെതിരെ ബ്രസീൽ പ്രസിഡന്റ് രംഗത്തെത്തിയിരുന്നു.മുമ്പ് നായകൾക്കാണ് കൊവിഡ് വാക്സിൻ നൽകുന്നതെന്നും ബൊൾസൊനാരോ പറഞ്ഞിരുന്നു.ലോകത്ത് ഏറ്റവും കൂടുതൽ കൊവിഡ് മരണങ്ങൾ റിപ്പോർട്ട് ചെയ്ത രാജ്യങ്ങളിലൊന്നാണ് ബ്രസീൽ. കഴിഞ്ഞ ജൂലായിൽ ബൊൾസനാരോക്കും കൊവിഡ് ബാധിച്ചിരുന്നു.