തിരുവനന്തപുരം: ശബരിമലയിൽ ഭക്തരുടെ എണ്ണം കുറച്ചുകൂടി കൂട്ടാമെന്ന് അഭിപ്രായപ്പെട്ട് ദേവസ്വംബോർഡ് പ്രസിഡന്റ് എൻ.വാസു. നിലവിലെ എണ്ണത്തിൽ നിന്ന് നേരിയ വർദ്ധന മാത്രമേ ഉണ്ടാകൂ. ബോർഡ് തീരുമാനം സർക്കാരിനെ അറിയിച്ചു. എന്നാൽ വർദ്ധിപ്പിക്കാവുന്ന എണ്ണം സർക്കാരാണ് തീരുമാനിക്കേണ്ടതെന്നും ദേവസ്വംബോർഡ് പ്രസിഡന്റ് പറഞ്ഞു. ഇതിൽ തീരുമാനം തിങ്കളാഴ്ച‌യോടെ ഉണ്ടാകും. തീരുമാനമായശേഷം വെർച്വൽ ക്യൂ ബുക്കിംഗ് തുടങ്ങും.

ഇന്നലെവരെ നിലയ്‌ക്കലിൽ നടത്തിയ പരിശോധനയിൽ 37 പേർക്കാണ് കൊവിഡ് സ്ഥിരീകരിച്ചത്. 13529 പേരാണ് ഇതുവരെ ശബരിമലയിൽ ദർശനം നടത്തിയത്. സന്നിധാനത്ത് ഡ്യൂട്ടിനോക്കിയ ഒൻപത് പേർക്ക് ഇതുവരെ കൊവിഡ് സ്ഥിരീകരിച്ചു. എന്നാൽ ആശങ്കപ്പെടാനുള‌ള സാഹചര്യമില്ല. ദേവസ്വം പ്രസിഡന്റ് അറിയിച്ചു.