ലഖ്‌നൗ:വാട്ട്‌സാപ്പ് വഴി യു.പി മുഖ്യമന്ത്രി യോഗി ആദിത്യനാഥിനെതിരെ വധഭീഷണിയുയര്‍ത്തിയ 15കാരൻ പൊലീസ് പിടിയിൽ. ആഗ്ര സ്വദേശിയായ ബാലനാണ് അറസ്റ്റിലായത്. സ്റ്റേറ്റ് ഹെല്‍പ് ലൈന്‍ നമ്പറായ 112ലേക്കാണ് മുഖ്യമന്ത്രി യോഗി ആദിത്യനാഥിനെ വധിക്കുമെന്ന തരത്തിൽ ബാലൻ ഭീഷണി സന്ദേശം അയച്ചത്.
ഭീഷണി സന്ദേശം ലഭിച്ചതിന് പിന്നാലെ സെെബർ സെല്ലിന്റെ സഹായത്തോടെ പൊലീസ് നടത്തിയ അന്വേഷണത്തിലാണ് പ്രതിയെ പിടികൂടുന്നത്. കഴിഞ്ഞ ഞായറാഴ്ചയാണ് ബാലനെ പൊലീസുകാർ വീട്ടിലെത്തി അറസ്റ്റു ചെയ്യുന്നത്. തുടർന്ന് ജുവനൈല്‍ ബോര്‍ഡില്‍ ഹാജരാക്കിയ ശേഷം ജുവനൈല്‍ ഹോമിലേക്ക് അയച്ചു. ഹിന്ദുസ്ഥാന്‍ ടൈംസാണ് ഇത് സംബന്ധിച്ച വാര്‍ത്ത റിപ്പോര്‍ട്ട് ചെയ്തത്.