മലപ്പുറം: ഇന്നലെ 540 പേർക്ക് കൂടി കൊവിഡ് 19 സ്ഥിരീകരിച്ചു. 489 പേർക്കും നേരിട്ടുള്ള സമ്പർക്കത്തിലൂടെയാണ് രോഗബാധ. ഉറവിടമറിയാതെ 35 പേർക്കും ആരോഗ്യമേഖലയിൽ പ്രവർത്തിക്കുന്ന അഞ്ചുപേർക്കും വൈറസ്ബാധ സ്ഥിരീകരിച്ചു. ഒരാൾ വിദേശത്ത് നിന്ന് എത്തിയതും 10 പേർ ഇതര സംസ്ഥാനങ്ങളിൽ നിന്നെത്തിയവരുമാണ്. 906 പേരാണ് ഇന്നലെ വിദഗ്ദ്ധ ചികിത്സയ്ക്ക് ശേഷം രോഗമുക്തരായത്. 71,115 പേരാണ് ഇപ്പോൾ ജില്ലയിൽ നിരീക്ഷണത്തിലുള്ളത്. 6,593 പേർ വിവിധ ചികിത്സാ കേന്ദ്രങ്ങളിൽ നിരീക്ഷണത്തിലുണ്ട്.