മലപ്പുറം: ജില്ലയിൽ ഇന്നലെ 548 പേർക്ക് കൊവിഡ് സ്ഥിരീകരിച്ചു. 504 പേർക്കും നേരിട്ടുള്ള സമ്പർക്കത്തിലൂടെയാണ് രോഗബാധ. ഉറവിടമറിയാതെ 37 പേർക്കും ആരോഗ്യ മേഖലയിൽ പ്രവർത്തിക്കുന്ന രണ്ടുപേർക്കും വൈറസ്ബാധ സ്ഥിരീകരിച്ചു. നാലുപേർ വിദേശത്ത് നിന്നെത്തിയവരും ഒരാൾ ഇതര സംസ്ഥാനത്തു നിന്നെത്തിയയാളുമാണ്. 560 പേരാണ് ഇന്നലെ വിദഗ്ദ്ധ ചികിത്സയ്ക്ക് ശേഷം ജില്ലയിൽ രോഗമുക്തരായത്.

71,626 പേരാണ് ഇപ്പോൾ ജില്ലയിൽ നിരീക്ഷണത്തിലുള്ളത്. 6,583 പേർ വിവിധ ചികിത്സാ കേന്ദ്രങ്ങളിൽ നിരീക്ഷണത്തിലുണ്ട്.