മലപ്പുറം: ജില്ലയിൽ ഇന്നലെ 612 പേർക്ക് കൊവിഡ് സ്ഥിരീകരിച്ചു. 574 പേർക്കും നേരിട്ടുള്ള സമ്പർക്കത്തിലൂടെയാണ് രോഗബാധ. ഉറവിടമറിയാതെ 27 പേർക്കും ആരോഗ്യമേഖലയിൽ പ്രവർത്തിക്കുന്ന രണ്ടുപേർക്കും ഇന്നലെ വൈറസ്ബാധ സ്ഥിരീകരിച്ചു. രോഗബാധിതരിൽ രണ്ടുപേർ വിദേശത്ത് നിന്നെത്തിയവരും ഏഴ്പേർ ഇതര സംസ്ഥാനത്ത് നിന്നെത്തിയവരുമാണ്. 779 പേരാണ് ഇന്നലെ ജില്ലയിൽ വിദഗ്ദ്ധ ചികിത്സയ്ക്ക് ശേഷം രോഗമുക്തി നേടിയത്.

ജില്ലയിൽ 85,192 പേരാണ് ഇപ്പോൾ നിരീക്ഷണത്തിലുള്ളത്. 7,813 പേർ വിവിധ ചികിത്സാ കേന്ദ്രങ്ങളിൽ നിരീക്ഷണത്തിലുണ്ട്.