പത്തനംതിട്ട : ജില്ലയിൽ ഇന്നലെ 160 പേർക്ക് കൊവിഡ് സ്ഥിരീകരിച്ചു.
ഇന്നലെ രോഗം സ്ഥിരീകരിച്ചവരിൽ രണ്ടു പേർ വിദേശ രാജ്യങ്ങളിൽ നിന്ന് വന്നവരും നാലു പേർ മറ്റ് സംസ്ഥാനങ്ങളിൽ നിന്ന് വന്നവരും 154 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 26 പേരുണ്ട്.

ജില്ലയിൽ ഇതുവരെ 15338 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 12008 പേർ സമ്പർക്കം മൂലം രോഗം ബാധിച്ചവരാണ്. കൊവിഡ് മൂലം ജില്ലയിൽ ഇതുവരെ 90 പേർ മരണമടഞ്ഞു. കൂടാതെ കൊവിഡ് ബാധിതരായ അഞ്ചു പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞിട്ടുണ്ട്. ജില്ലയിൽ ഇന്നലെ 228 പേർ രോഗമുക്തരായി. ആകെ രോഗമുക്തരായവർ 12862.

കണ്ടെയ്ൻമെന്റ് സോൺ
ചിറ്റാർ ഗ്രാമപഞ്ചായത്തിലെ വാർഡ് ഒന്ന് (കരിക്കയം വെയ്റ്റിംഗ് ഷെഡ്ഡിന്റെ എതിർവശം കൊല്ലംപടി മുതൽ ചതുരക്കള്ളിപ്പാറ താഴെ വശം വരെ), കുളനട ഗ്രാമപഞ്ചായത്തിലെ വാർഡ് ഒന്ന് (ആലുനിൽക്കുന്നമണ്ണ് ജംഗ്ഷൻ, ഷാരോൺപടി റോഡ്, വാലുകുറ്റി കോളനി, ആലവട്ടക്കുറ്റി കോളനി മുഴുവനായും), വാർഡ് 16 ( കക്കട ജംഗ്ഷൻ, കക്കട മുതൽ വടശേരിക്കടവ് റോഡ് വരെയും ആലുനിൽക്കുന്നമണ്ണിൽ ജംഗ്ഷൻ മുതൽ വയറപ്പുഴ റോഡ് വരെയും), കോയിപ്രം ഗ്രാമപഞ്ചായത്തിലെ വാർഡ് 11 ( ചെള്ളയത്ത് മുക്ക്, തുകലുംകരചിറയിൽ, കുറ്റിയിൽ ഭാഗം), വാർഡ് 14 (നെല്ലിക്കൽ പോസ്റ്റ് ഓഫീസിന് സമീപം മാധവി ഗാർഡൻ ഭാഗം) എന്നീ സ്ഥലങ്ങളിൽ 31 മുതൽ ഏഴു ദിവസത്തേക്ക് കണ്ടെയ്ൻമെന്റ് സോൺ നിയന്ത്രണം ഏർപ്പെടുത്തി.