പത്തനംതിട്ട : ഗാർഹിക ഉപഭോക്താക്കൾക്ക് സബ്‌സിഡി സ്‌കീമിൽ സൗരോർജ്ജനിലയം സ്ഥാപിക്കുന്നതിനായി അപേക്ഷ ക്ഷണിച്ചു. ആദ്യ മൂന്ന് കിലോ വാട്ടിന് 40 ശതമാനം സബ്‌സിഡിയും , അധികമായി വരുന്ന 10 കിലോ വാട്ട് വരെയുളള നിലയങ്ങൾക്ക് ഓരോ കിലോവാട്ടിനും 20 ശതമാനം സബ്‌സിഡിയും ലഭ്യമാകും. മുൻഗണനാ ക്രമം അനുസരിച്ച് സാധ്യതാ പഠനം നടത്തിയാകും നിലയങ്ങൾ സ്ഥാപിക്കുക. ആവശ്യമായ വൈദ്യുതി ഉപയോഗിച്ചതിനുശേഷം അധിക വൈദ്യുതി ശൃംഖലയിലേക്ക് നൽകുന്നതിലൂടെ വൈദ്യുത ബില്ലിൽ ഗണ്യമായ കുറവ് വരുത്താൻ ആകുമെന്നതാണ് ഓൺ ഗ്രിഡ് സൗരവൈദ്യുത നിലയങ്ങളുടെ പ്രത്യേകത. കൂടുതൽ വിവരങ്ങൾ www.buymysun.com വെബ്‌സൈറ്റിലും ടോൾഫ്രീ നമ്പരായ 18004251803 നമ്പറിലും ലഭിക്കും.