തിരുവല്ല : ശക്തമായ കാറ്റിനെയും മഴയെയും തുടർന്ന് റോഡരികിൽ നിന്നിരുന്ന മരം ഓടിക്കൊണ്ടിരുന കാറിന്റ മുകളിലേക്ക് വീണു. കാർ യാത്രികൻ പരിക്കേൽക്കാതെ രക്ഷപ്പെട്ടു. അഗ്‌നിശമന സേനയെത്തി മരം മുറിച്ചു നീക്കി. തിരുവല്ല മല്ലപ്പള്ളി റോഡിൽ കിഴക്കൻ മുത്തൂർ ജംഗ്ഷന് സമീപം ഇന്നലെ വൈകിട്ട് നാല് മണിയോടെ ആയിരുന്നു അപകടം. ആനിക്കാട് കയ്യാലത്ത് വീട്ടിൽ ടോം ജോർജിന്റെ മാരുതി ആൾട്ടോ കാറിന്റെ മുകളിലേക്കാണ് മരം വീണത്. തുടർന്ന് തിരുവല്ലയിൽ നിന്നുള്ള അഗ്‌നിശമന സേനയെത്തി മരം മുറിച്ചു നീക്കുകയായിരുന്നു. കാറിന് സാരമായ കേടുപാടുകൾ സംഭവിച്ചു. അപകടത്തെ തുടർന്ന് റോഡിൽ അര മണിക്കൂറോളം ഗതാഗതം തടസപ്പെട്ടു.