മാരാമൺ : ജില്ലാ പഞ്ചായത്ത് 20 ലക്ഷം രൂപ ചെലവഴിച്ച് നവീകരിച്ച പാലയ്ക്കാട്ട് ചിറ ചിറയിറമ്പ് -തിരുവഞ്ചാംകാവ് റോഡ് നാടിന് സമർപ്പിച്ചു. തോട്ടപ്പുഴശേരി പഞ്ചായത്തിന്റെ 7,8,12 വാർഡുകളിൽ ഉൾപ്പെടുന്ന റോഡ് റീ ടാറിംഗ്, ഐറീഷ് ഡ്രെയിൻ എന്നിവ നടത്തിയാണ് പുനരുദ്ധരിച്ചത്. ജില്ലാ പഞ്ചായത്ത് വൈസ് പ്രസിഡന്റ് ജോർജ്ജ് മാമ്മൻ കൊണ്ടൂരിന്റെ നിർദ്ദേശത്തെ തുടർന്ന് പൊതുമരാമത്ത് വികസന ഫണ്ടിൽ നിന്നാണ് ജില്ലാ പഞ്ചായത്ത് ഇതിനുള്ള തുക അനുവദിച്ചത്. ചെട്ടിമുക്ക് തോണിപ്പുഴ റോഡിൽ തിരുവഞ്ചാംകാവ് ക്ഷേത്രം മുതൽ നാലുമണിക്കാറ്റ് പദ്ധതി പ്രദേശം വരെയും പാലയ്ക്കാട്ട് ചിറ മുതൽ തിരുവഞ്ചാംകാവ് വരെയുള്ള ഭാഗമാണ് ഗതാഗതയോഗ്യമാക്കിയത്. നാലുമണിക്കാറ്റ് പദ്ധതിയിലൂടെ ജില്ലാ പഞ്ചായത്ത് ആരംഭിച്ച വഴിയോര വിശ്രമകേന്ദ്രത്തിലേക്കും, ഗ്രാമപഞ്ചായത്തിന്റെ പ്രധാന നെല്ലറയായ നെടുമ്പ്രയാർ പുഞ്ചയിലേക്കുമുള്ള പ്രധാന പാതകളാണിവ. കർഷകർ കൃഷിക്കാവശ്യമായ വിത്തും വളവും കൊണ്ടുപോകുന്നതും, യന്ത്രസാമഗ്രികൾ പുഞ്ചയിലേക്കിറങ്ങുന്നതും ഇതുവഴിയാണ്. ഇരുറോഡുകളുടെയും നിർമ്മാണം പൂർത്തിയായതോടെ നൂറുകണക്കിന് പ്രദേശവാസികളുടെ യാത്രാദുരിതത്തിനാണ് പരിഹാരമായത്. നവീകരിച്ച റോഡിന്റെ ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് ജോർജ്ജ് മാമ്മൻ കൊണ്ടൂർ നിർവഹിച്ചു.പഞ്ചായത്ത് പ്രസിഡന്റ് എൽസി ക്രിസ്റ്റഫർ ചടങ്ങിൽ അദ്ധ്യക്ഷത വഹിച്ചു.വൈസ് പ്രസിഡന്റ് സി.വി ഗോപാലകൃഷ്ണൻ നായർ ,ഗ്രാമപഞ്ചായത്തംഗം ലതാ ചന്ദ്രൻ, തോമസ് മാത്യു കൊച്ചു കളതത്തൂർ, ജോസ് പുത്തൻപറമ്പിൽ എന്നിവർ പ്രസംഗിച്ചു.

-തോട്ടപ്പുഴശേരി പഞ്ചായത്തിന്റെ 7,8,12 വാർഡുകളിൽ ഉൾപ്പെടുന്ന റോഡ്

- നവീകരൻചെലവ് 20 ലക്ഷം