തണ്ണിത്തോട്: അടവി കുട്ടവഞ്ചി സവാരി കേന്ദ്രത്തിൽ തിരക്ക് വർദ്ധിച്ചു. കൊവിഡ് വ്യാപനത്തെ തുടർന്ന് തിരക്ക് കുറഞ്ഞിരുന്നു. ഇന്നലെ വലിയ തിരക്കാണ് അനുഭവപ്പെട്ടത്. വെള്ളം കുറവായതിനാൽ ഹ്രസ്വ ദൂരയാത്രകൾ മാത്രമാണ് ഉള്ളത്. അറുപത്തൊന്ന് കുട്ടവഞ്ചി സവാരിയാണ് ഇന്നലെ മാത്രം നടന്നത്. ജില്ലയ്ക്ക് അകത്തുനിന്നും പുറത്തുനിന്നും നിരവധി പേരാണ് അടവിയിൽ എത്തി കുട്ടവഞ്ചി സവാരി നടത്തി മടങ്ങിയത്.പേരുവാലി, അടവി പാർക്കിംഗ് ഗ്രൌണ്ട് എന്നിവടങ്ങളിൽ വാഹനങ്ങൾ പാർക്ക് ചെയ്യുവാൻ പറ്റാത്ത അവസ്ഥയായിരുന്നു.

ഗവിയിലേക്ക് പ്രവേശനം നിരോധിച്ചു

പത്തനംതിട്ട : മൂഴിയാർ, കക്കി, ഗവി, വള്ളക്കടവ് റോഡിൽ അറ്റകുറ്റപണികൾ നടക്കുന്നതിനാൽ ഇന്ന് മുതൽ ആങ്ങമൂഴി കൊച്ചാണ്ടി ഫോറസ്റ്റ് ചെക്ക് പോസ്റ്റ് വഴി ഗവിയിലേക്ക് വിനോദ സഞ്ചാരികളുടെ പ്രവേശനം നിരോധിച്ചു.