പത്തനംതിട്ട : ജില്ലയിൽ ഇന്നലെ 234 പേർക്ക് കൊവിഡ് സ്ഥിരീകരിച്ചു.

രോഗം സ്ഥിരീകരിച്ചവരിൽ 6 പേർ വിദേശ രാജ്യങ്ങളിൽ നിന്ന് വന്നവരും 10 പേർ മറ്റ് സംസ്ഥാനങ്ങളിൽ നിന്ന് വന്നവരും 218 പേർ സമ്പർക്കത്തിലൂടെ രോഗം ബാധിച്ചവരുമാണ്. സമ്പർക്കപശ്ചാത്തലം വ്യക്തമല്ലാത്ത 56 പേരുണ്ട്.

ജില്ലയിൽ ഇതുവരെ 16793 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 13283പേർ സമ്പർക്കം മൂലം രോഗം സ്ഥിരീകരിച്ചവരാണ്.

ജില്ലയിൽ ഇതുവരെ 101 പേർ മരിച്ചു. കൂടാതെ കൊവിഡ് ബാധിതരായ 7 പേർ മറ്റ് രോഗങ്ങൾ മൂലമുളള സങ്കീർണ്ണതകൾ നിമിത്തം മരിച്ചിട്ടുണ്ട്.

ഇന്നലെ 173 പേർ രോഗമുക്തരായി. ആകെ രോഗമുക്തരായവരുടെ എണ്ണം 14868 ആണ്.

നിയന്ത്രണം നീക്കി

ആറന്മുള ഗ്രാമപഞ്ചായത്തിലെ 3, 5 വാർഡുകളെ (കളരിക്കോട് ജംഗ്ഷൻ മുതൽ കോട്ടയ്ക്കകം ജംഗ്ഷൻ വരെയും, മണക്കുപ്പി അംഗൻവാടി ഭാഗവും) കണ്ടെയ്ൻമെന്റ് സോൺ നിയന്ത്രണത്തിൽ നിന്ന് ഒഴിവാക്കി.