പത്തനംതിട്ട : ജില്ലയിൽ ഇന്നലെ 138 പേർക്ക് കൊവിഡ് സ്ഥിരീകരിച്ചു.

94 പേർ രോഗമുക്തരായി. രോഗം സ്ഥിരീകരിച്ചവരിൽ രണ്ടു പേർ വിദേശ രാജ്യങ്ങളിൽ നിന്ന് വന്നവരും ഒൻപതുപേർ മറ്റ് സംസ്ഥാനങ്ങളിൽ നിന്ന് വന്നവരും 127 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 29 പേരുണ്ട്.

ഇതുവരെ ആകെ 17161 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 13610 പേർ സമ്പർക്കം മൂലം രോഗം സ്ഥിരീകരിച്ചവരാണ്.

ഇന്നലെ കൊവിഡ് ബാധിതരായ രണ്ടു പേരുടെ മരണം റിപ്പോർട്ട് ചെയ്തു.

അയിരൂർ സ്വദേശിനി (27) കോഴഞ്ചേരി ജില്ലാ ആശുപത്രിയിലും കവിയൂർ സ്വദേശി കോട്ടയം മെഡിക്കൽ കോളേജ് ആശുപത്രിയിലുമാണ് മരിച്ചത്.

ജില്ലയിൽ ഇതുവരെ 102 പേർ മരിച്ചു. കൂടാതെ കൊവിഡ് ബാധിതരായ 9 പേർ മറ്റ് രോഗങ്ങൾ മൂലമുളള സങ്കീർണ്ണതകൾ നിമിത്തം മരിച്ചിട്ടുണ്ട്.