പത്തനംതിട്ട : ജില്ലയിൽ ഇന്നലെ 189 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ എട്ടു പേർ വിദേശ രാജ്യങ്ങളിൽ നിന്ന് വന്നവരും ഒൻപതു പേർ മറ്റ് സംസ്ഥാനങ്ങളിൽ നിന്ന് വന്നവരും 172 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 49 പേരുണ്ട്. ചുമത്ര, കുറ്റപ്പുഴ, തിരുമൂലപുരം, മൂത്തൂർ, കിഴക്കൻമുത്തൂർ, വാരിക്കാട്, മഞ്ഞാടി എന്നിവിടങ്ങളിലായി തിരുവല്ലയിൽ 24 പേർക്കാണ് രോഗബാധ.

ജില്ലയിൽ ഇതുവരെ 17350 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 13782 പേർ സമ്പർക്കം മൂലം രോഗം ബാധിച്ചവരാണ്. കൊവിഡ് മൂലം ജില്ലയിൽ ഇതുവരെ 102 പേർ മരണമടഞ്ഞു. കൂടാതെ കൊവിഡ് ബാധിതരായ ഒൻപതു പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരിച്ചു. ഇന്നലെ 229 പേർ രോഗമുക്തരായി. ആകെ രോഗമുക്തരായവരുടെ എണ്ണം 15356 ആണ്. ജില്ലക്കാരായ 1883 പേർ ചികിത്സയിലാണ്.

കണ്ടെയ്ൻമെന്റ് സോണുകൾ
പത്തനംതിട്ട : മെഴുവേലി ഗ്രാമപഞ്ചായത്തിലെ വാർഡ് എട്ട് ( ഇലവുംതിട്ട ) വാർഡ് ഒൻപത് (മേലത്തേമുക്ക് മുതൽ ഇലവുംതിട്ട ടൗൺ വരെയുള്ള ഭാഗം ) എന്നീ പ്രദേശങ്ങളിൽ ഏഴു ദിവസത്തേക്ക് കണ്ടെയ്ൻമെന്റ് സോൺ നിയന്ത്രണം ഏർപ്പെടുത്തി.

നിയന്ത്രണം നീക്കി
പത്തനംതിട്ട : പത്തനംതിട്ട മുനിസിപ്പാലിറ്റിയിലെ വാർഡ് എട്ട്, (തൈക്കാവ് മുറുപ്പൽ കോളനി ഉൾപ്പെടുന്ന ഭാഗവും, ഡ്രൈവിംഗ് ടെസ്റ്റ് നടത്തുന്ന ഭാഗം, മേലേവെട്ടിപ്പുറം (ഭവാനി റോഡ് ) മുതൽ തൈക്കാവ് വാട്ടർ ടാങ്ക് വരെയുള്ള ഭാഗവും), പെരിങ്ങര ഗ്രാമപഞ്ചായത്തിലെ വാർഡ് ഏഴ് (അഴിയിടത്തു ചിറ മുതൽ വേങ്ങൽ ഭാഗം വരെ ) എന്നീ പ്രദേശങ്ങളെ കണ്ടെയ്ൻമെന്റ് സോൺ നിയന്ത്രണത്തിൽ നിന്ന് ഒഴിവാക്കി.