പത്തനംതി​ട്ട : എസ്.പി.സി പ്രോജക്ടിന്റെ നേതൃത്വത്തിൽ ഏർപ്പെടുത്തിയ 'പുത്തനുടുപ്പും പുസ്തകവും ' എന്ന പേരിലുള്ള സ്‌നേഹസമ്മാനം ജില്ലാപൊലീസ് മേധാവി കെ.ജി. സൈമൺ വി​തരണം ചെയ്തു. ഇലന്തൂർ ബാലികാ സദനത്തിലെ കുട്ടികൾക്ക് ഹ്രസ്വമായ ചടങ്ങിൽ സമ്മാനപ്പൊതികൾ നൽകി. പുസ്തകങ്ങൾ, പഠനോപകരണങ്ങൾ, കളിപ്പാട്ടങ്ങൾ, വസ്ത്രങ്ങൾ എന്നിവയടങ്ങിയ സമ്മാനപ്പൊതിയാണ് കുട്ടികൾക്ക് വിതരണം ചെയ്തത്. ജില്ലയിലെ 27 എസ്.പി.സി സ്‌കൂളുകളിൽ നിന്നും ശേഖരിച്ച 5,40,000 രൂപയുടെ സാധനങ്ങളാണ് നൽകി​യത്. ജില്ലാ നാർക്കോട്ടിക് സെൽ ഡിവൈ.എസ്.പി ആർ. പ്രദീപ്കുമാർ അദ്ധ്യക്ഷത വഹിച്ചു.