പത്തനംതിട്ട : ജില്ലയിൽ ഇന്നലെ 40 പേർക്ക് കൊവിഡ് സ്ഥിരീകരിച്ചു.

154 പേർ രോഗമുക്തരായി. രോഗം സ്ഥിരീകരിച്ചവരിൽ 3 പേർ വിദേശ രാജ്യങ്ങളിൽ നിന്ന് വന്നവരും 5 പേർ മറ്റ് സംസ്ഥാനങ്ങളിൽ നിന്ന് വന്നവരും 32 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 11 പേരുണ്ട്.

ഇതുവരെ ആകെ 17704 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 14095 പേർ സമ്പർക്കം മൂലം രോഗം ബാധിച്ചവരാണ്.

ആകെ രോഗമുക്തരായവരുടെ എണ്ണം 15848 ആണ്.

പത്തനംതിട്ട ജില്ലക്കാരായ 1743 പേർ ചികിത്സയിലാണ്.

2 മരണം കൂടി

വടശ്ശേരിക്കര സ്വദേശി (78) കോട്ടയം മെഡിക്കൽ കോളേജ് ആശുപത്രിയിലും
അടൂർ സ്വദേശി (71) ആശുപത്രിയിലേയ്ക്കുളള യാത്രമദ്ധ്യേയുമാണ് മരിച്ചത്. തുടർന്ന് നടത്തിയ പ്രാഥമിക സ്രവ പരിശോധനയിൽ രോഗബാധ സ്ഥിരീകരിച്ചു. കൊവിഡ് മൂലം ജില്ലയിൽ ഇതുവരെ 104 പേർ മരിച്ചു. കൂടാതെ കൊവിഡ് ബാധിതരായ 9 പേർ മറ്റ് രോഗങ്ങൾ മൂലമുളള സങ്കീർണ്ണതകൾ നിമിത്തം മരിച്ചു.