തിരുവല്ല: പണി നടന്നുകൊണ്ടിരുന്ന കെട്ടിടത്തിന്റെ ഒന്നാംനിലയുടെ ഒരുഭാഗം ഇടിഞ്ഞുവീണ് തൊഴിലാളി മരിച്ചു.. മാർത്താണ്ഡം പൈങ്കുളം തേന്മാര വിളയിൽ വീട്ടിൽ ജഗൻ തൗസി മുത്തു (32) ആണ് മരിച്ചത്. മറ്റൊരു തൊഴിലാളിയായ മാർത്താണ്ഡം സ്വദേശി ശ്യാമിന് സാരമായി പരിക്കേറ്റു. തിരുവല്ല പാലിയേക്കര ഹനുമാൻ സ്വാമി ക്ഷേത്രത്തിന് സമീപം നിർമ്മാണം നടക്കുന്ന വീടിന്റെ ഒരു ഭാഗമാണ് ഇടിഞ്ഞുവീണത്. ഇന്നലെ വൈകിട്ട് 4.15നാണ് സംഭവം. രണ്ടാഴ്ച മുമ്പ് നടത്തിയ കോൺക്രീറ്റിന്റെ തട്ട് പൊളിക്കുന്നതിനിടെ മേൽക്കൂര ഒരു വശത്തേക്ക് തകർന്ന് വീഴുകയായിരുന്നു. മൂന്ന് തൊളിലാളികളാണ് ഉണ്ടായിരുന്നത്. മേൽക്കൂരയുടെ സ്ലാബിനടിയിൽ ജഗൻ കുടുങ്ങിപ്പോയി. തിരുവല്ലയിൽ നിന്ന് അഗ്നിശമനസേനയെത്തി മണിക്കൂറോളം ശ്രമിച്ചാണ് മൃതദേഹം പുറത്തെടുത്തത്. മറ്റൊരു തൊഴിലാളിയായ സുഭാഷ് അത്ഭുതകരമായി രക്ഷപ്പെട്ടു. ജഗന്റെ മൃതദേഹം തിരുവല്ല താലൂക്ക് ആശുപത്രി മോർച്ചറിയിലേക്ക് മാറ്റി.