അളവുതൂക്ക ഉപകരണങ്ങൾ 30നകം മുദ്ര പതിക്കണം

പത്തനംതിട്ട : 2020 എ, ബി ക്വാർട്ടറുകളിൽ പുന:പരിശോധന നടത്തി മുദ്ര വയ്ക്കലിന് വിധേയമാക്കേണ്ടിയിരുന്ന ഓട്ടോ ഫെയർ മീറ്റർ ഉൾപ്പെടെയുള്ള അളവുതൂക്ക ഉപകരണങ്ങൾ അധിക ഫീസ്, പിഴ എന്നിവ ഇല്ലാതെ ഈ മാസം 30നകം മുദ്ര പതിക്കണമെന്ന് ലീഗൽ മെട്രോളജി ഡെപ്യൂട്ടി കൺട്രോളർ അറിയിച്ചു. അതാത് താലൂക്കിലുള്ള ലീഗൽ മെട്രോളജി ഓഫീസുമായി ബന്ധപ്പെട്ട് തീയതി, സമയം എന്നിവ അനുവദിച്ച് വാങ്ങിക്കുകയും കൃത്യ സമയത്തുതന്നെ അവ ഹാജരാക്കുകയും വേണം. ലീഗൽ മെട്രോളജി താലൂക്ക് ഓഫീസുകളുടെ ഫോൺ നമ്പറുകൾ : കോഴഞ്ചേരി 0468 2322853, റാന്നി 0473 5223194, അടൂർ 0473 4221749, തിരുവല്ല 0469 2636525, മല്ലപ്പള്ളി 0469 2785064, കോന്നി 0468 2341213