കൊ​ല്ലം: പോരുവഴിയിൽ വീ​ട്ടു​മു​റ്റ​ത്തിരു​ന്ന സ്​കൂ​ട്ട​റും ബൈ​ക്കും ക​ത്തിയ നിലയിൽ കണ്ടെത്തിയ സംഭവത്തിൽ മ​ന്ത്ര​വാ​ദി അ​റ​സ്​റ്റിൽ. ക​ഴി​ഞ്ഞ 6ന് പു​ലർ​ച്ചെ 3.40ന് പോ​രു​വ​ഴി വ​ട​ക്കേ​മു​റിയിൽ അ​നിൽ കു​മാ​റിന്റെ (40) വീ​ടി​ന്റെ പോർ​ച്ചി​ലി​രു​ന്ന സ്​കൂ​ട്ട​റും ബൈ​ക്കുമാണ് കത്തിച്ചത്. സംഭവവുമായി ബന്ധപ്പെട്ട് പോ​രു​വ​ഴി വ​ട​ക്കേ​മു​റി പു​ത്ത​ല​ത്തിൽ രാ​ജേ​ന്ദ്രനാണ് (46) അറസ്റ്റിലായത്. പരാതിയുടെ അടിസ്ഥാനത്തിൽ ശൂ​ര​നാ​ട് പൊ​ലീ​സ് കേ​സെ​ടു​ക്കു​ക​യും സം​ഭ​വസ്ഥ​ല​ത്ത് ഡോ​ഗ് സ്​ക്വാ​ഡിന്റെ സ​ഹാ​യ​ത്തോ​ടെ അ​ന്വേ​ഷണം ന​ടത്തുകയും ചെയ്തിരുന്നു. സ​മീ​പപ്ര​ദേ​ശ​ത്തെ സി.സി ടി.വി ദൃ​ശ്യ​ങ്ങ​ൾ പരിശോധിച്ച് പ്രദേശവാ​സി​ക​ളിൽ നി​ന്ന് വി​വ​ര​ശേ​ഖ​ര​ണം ന​ട​ത്തി​യതിന്റെ അടിസ്ഥാനത്തിലാണ് രാ​ജേ​ന്ദ്രനെ പിടികൂടിയത്. ശൂ​ര​നാ​ട് പൊ​ലീ​സ് സ്റ്റേ​ഷ​നി​ലെ സി.ഐ എ. ഫി​റോ​സ്, എ​സ്.ഐ പി. ശ്രീ​ജി​ത്ത്, എ​സ്.ഐ ച​ന്ദ്ര​മോൻ, പ്രൊ​ബേ​ഷൻ എ​സ്.ഐ വി​പിൻ, എ.എ​സ്.ഐ ഹർ​ഷാ​ദ് എ​ന്നി​വർ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ പി​ടി​യി​ലാ​യ​ത്. ഇദ്ദേഹത്തെ സം​ഭ​വ​സ്ഥ​ല​ത്തെത്തിച്ച് തെ​ളിവെടുത്തു.

വാഹനങ്ങൾ അഗ്നിക്കിരയാക്കിയത് അന്ധവിശ്വാസത്തിന്റെ പേരിൽ

പ്ര​തി​യെ ചോ​ദ്യം ചെ​യ്​തപ്പോഴാണ് ഞെ​ട്ടി​പ്പി​ക്കു​ന്ന വി​വ​ര​ങ്ങൾ പു​റ​ത്തു​വ​ന്ന​ത്. പ​ലരും പ്ര​ശ്‌​ന​ങ്ങൾ മാ​റാനായി ഇദ്ദേഹത്തെ സ​മീ​പി​ച്ചി​രു​ന്നു. പ്ര​തി​യു​ടെ കു​ടും​ബം സാ​മ്പ​ത്തി​ക​മാ​യി ​മെ​ച്ച​പ്പെട്ടതല്ല. കു​ടും​ബം മെ​ച്ച​പ്പെ​ടാ​ത്ത​തി​ന്റെ കാ​ര​ണം അ​നിൽ കു​മാ​റാ​ണെ​ന്നും വാഹനം കത്തിച്ചാൽ കുടുംബത്തിൽ ഐശ്വര്യമുണ്ടാവുമെന്നുമുള്ള അ​ന്ധ​വി​ശ്വാ​സ​ത്തി​ന്റെ അ​ടി​സ്ഥാ​ന​ത്തി​ലാ​ണ് പ്രതി കുറ്റകൃത്യത്തിലേർപ്പെട്ടത്. ച​രു​വ​ള്ളി​യിലെ പെ​ട്രോൾ പ​മ്പിൽ നി​ന്ന് 5 ലി​റ്റർ പെ​ട്രോൾ വാ​ങ്ങി ക​ഴി​ഞ്ഞ ആറിന് പു​ലർ​ച്ചെ 3.40നാണ് വാഹനം കത്തിച്ചത്. സം​ഭ​വ​ത്തി​നു​ശേ​ഷം പ്ര​തി 5 ലി​റ്ററിന്റെ ക​ന്നാ​സും ക​വ​റും ക​നാ​ലിൽ ഉ​പേ​ക്ഷി​ച്ച ​ശേ​ഷം സ്ഥ​ല​ത്തു​നി​ന്ന് ഒ​ളി​വിൽ പോവുകയായിരുന്നു.