കുണ്ടറ: ജോലിക്കിടെ അപകടത്തിൽപ്പെട്ട മരംകയറ്റ തൊഴിലാളി മരിച്ചു. പെരുമ്പുഴ പുനുക്കന്നൂർ ചരുവിള പുത്തൻവീട്ടിൽ ശിവൻകുട്ടിയാണ് (49) മരിച്ചത്. ചൊവ്വാഴ്ച രാവിലെ 11 ഓടെ പുനുക്കന്നൂർ കുരിശടിമുക്കിന് സമീപത്തെ പറമ്പിൽ മരം മുറിക്കുന്നതിനിടെയായിരുന്നു അപകടം. പരിക്കേറ്റ ശിവൻകുട്ടിയെ കൊട്ടിയത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. കുണ്ടറ പൊലീസ് മൃതദേഹ പരിശോധന നടത്തി. ഭാര്യ: അനില. മക്കൾ: ഐശ്വര്യ, അനന്തു. സംസ്കാരം ഇന്ന് ഉച്ചയ്ക്ക് 12ന്.