കുന്നത്തൂർ : കുന്നത്തൂർ ആറ്റുകടവ് തോട്ടത്തുംമുറിയിൽ എസ്.പിയുടെ സ്ക്വാഡ് നടത്തിയ റെയ്ഡിൽ കല്ലടയാറിന്റെ തീരത്ത് നിന്നും 50 ലിറ്റർ കോടയും വാറ്റുപകരണങ്ങളും പിടികൂടി.ഇന്നലെ രാവിലെ റൂറൽ എസ്.പിക്ക് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് വാട്ടർ ടാങ്കിൽ കുഴിച്ചിട്ട നിലയിൽ കോട കണ്ടെത്തിയത്.കോട സ്ഥലത്ത് വച്ചു തന്നെ നശിപ്പിച്ചു. ശാസ്താംകോട്ട സി.ഐ അനൂപ്, എസ്.ഐ അനീഷ്,എ.എസ്.ഐ സുരേഷ് ബാബു,എസ്.പിയുടെ സ്ക്വാഡ് അംഗങ്ങളായ രഞ്ജു, അനിൽകുമാർ,അജയൻ,ശങ്കരപിള്ള, രാധാകൃഷ്ണ പിള്ള,സുബിൻ,റനീഷ് എന്നിവർ റെയ്ഡിന് നേതൃത്വം നൽകി. വരും ദിവസങ്ങളിൽ പരിശോധന കർശനമാക്കുമെന്ന് എസ്.പി ഇളങ്കോ അറിയിച്ചു.