ഇരിങ്ങാലക്കുട : ക്രൈസ്റ്റ് കോളേജിലെ ഗണിത അദ്ധ്യാപകനും വകുപ്പ് മേധാവിയുമായിരുന്ന പ്രൊഫ. എം.കെ ചന്ദ്രൻ (75) നിര്യാതനായി. കേരള ശാസ്ത്ര സാഹിത്യ പരിഷത്തിന്റെ സജീവ പ്രവർത്തകനാണ്. സാമൂഹിക പരിഷ്‌കർത്താവും നാടകനടനും സിനിമാ പ്രവർത്തകനുമായിരുന്ന മംഗലശ്ശേരി എം.എസ് നമ്പൂതിരിയുടെ മകനാണ്.

1968ൽ ഇരിങ്ങാലക്കുട ക്രൈസ്റ്റ് കോളജിൽ ഗണിത അദ്ധ്യാപകനായി സേവനം ആരംഭിച്ചു. 1996 ൽ ഡിപ്പാർട്ട്‌മെന്റ് മേധാവിയായി, 2001ൽ വിരമിച്ചു. പരിഷത്തിന്റെ സജീവ പ്രവർത്തകനാണ്. ബാലവേദി, വിദ്യാഭ്യാസം എന്നീ മേഖലകളിൽ പരിഷത്തിന് സംസ്ഥാന റിസോഴ്‌സ് പേഴ്‌സൺ, ഇ.കെ.എൻ വിദ്യാഭ്യാസ ഗവേഷണ വികസന കേന്ദ്രത്തിലെ പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. കെ.എൻ പിഷാരടി സ്മാരക കഥകളി ക്ലബ്ബ് കമ്മിറ്റി അംഗമാണ്. ഉണ്ണായിവാരിയർ സ്മാരക കലാനിലത്തിന്റെ വൈസ് പ്രസിഡന്റായി പ്രവർത്തിച്ചിരുന്നു. സി.പി.എം നേതാവ് കൂടിയാണ്. ഭാര്യ : ശ്രീദേവി, മക്കൾ : ഹേന, വികാസ്.