ഇരിങ്ങാലക്കുട : സ്റ്റേറ്റ് ബാങ്ക് ഒഫ് ഇന്ത്യ കാട്ടൂർ ബ്രാഞ്ചിലെ മാനേജരെ കൊലപ്പെടുത്താൻ ശ്രമം. ഇന്നലെ രാവിലെ ബാങ്ക് തുറക്കാനെത്തിയ കണ്ണൂർ സ്വദേശി വി.പി രാജേഷിന് നേരെയാണ് അജ്ഞാതന്റെ വധശ്രമം. കറുത്ത ആക്ടീവ സ്‌കൂട്ടറിലെത്തിയ പ്രതി ഇരുമ്പ് വടി കൊണ്ട് ബാങ്ക് മാനേജരുടെ തലയ്ക്ക് അടിക്കുകയായിരുന്നു. ഉടൻ തന്നെ ഇയാൾ ഈ സ്‌കൂട്ടറിൽ തന്നെ രക്ഷപ്പെട്ടു. തലയ്ക്ക് പരിക്കേറ്റ രാജേഷിനെ ഇരിങ്ങാലക്കുടയിലെ ആശുപത്രിയിലേയ്ക്ക് മാറ്റി. കാട്ടൂർ ഇൻസ്പെക്ടർ സജീവ്, എസ്.ഐ വി.വി വിമൽ എന്നിവരുടെ നേതൃത്വത്തിലുള്ള പൊലീസ് സംഘം അന്വേഷണം ആരംഭിച്ചിട്ടുണ്ട്.